غلطة زماني

عطني من برودك أنا من حرقة أعصابي عطيت
عطني فقط راحة فكر ما أبي سعاده أو هنا
ما راح ألومك واسألك ليش أنت قلبك حيل ميت
لأني أعرف من زمن كل اهتمامك بالأنا
في شخصك الظالم أنا عمري أبد ما قلت ليت
الياس في حبك غداً على من أبراج المنى
كلّش تحطم وانتهى يمكن أنا نفسي انتهيت
حبيبت ولكن خافقي غير التعب وشهو جنى
هذا انهياري اكتبه واختصره لك في شطر بيت
كان العنا يعني ألم عناي أنا فوق العنا
الذنب ذنبي والغلط أني لأجل حبك وفيت
الذنب إن راسي أنا لأجل المحبة انحنى
طبع الوفا ما هو غلط بس الغلط إني نسيت
إني لو ازرع بك غلا زرعي مصيره للفنا
يا ذا الزمن وشو الثمن ياللي دفعته ثم خذيت
أكبر جروح عندها حسيت موتي قد دنى
يا كبر ذنبك يا هوى يومك على قلبي جنيت
قلبي وأنا غلطة زمن ما تنسّى والله لنا
غلطة زماني يا هوى إني تمنيت ورجيت
وإلاّ أنا ما ينغزى في خافقي صوب المنى