هلا بالحاكم اللي بالمواقف يتعب الحكام

الا يا مرحبا يالليث يا ابن الليث يا المقدام
هلا وارض الوطن ينور زهرها يوم تلفيها
هلا بك عد ما فاض الحجيج وحلوا الإحرام
هلا بك عد ما تنشى المخايل من مناشيها
هلا بك عد ما ناح الحمام وخطت الاقلام
هلا بك يا جبل راسي ليا انهزت رواسيها
هلا بالحاكم اللي بالمواقف يتعب الحكام
أبو متعب زعيم راية التوحيد معليها
ملكنا عزوة الشعب السعودي ملتجي المنظام
سندنا ذخرنا اللي خطوته للخير يمشيها
أصيل الجد عبدالله عريب الخال والأعمام
حفيد ابطال نجد اللي علت بالمجد اساميها
الا يا درعنا الضافي سلمت وعشت للإسلام
عسى عمرك يطول ودولتك بالعز تبنيها
قليلٍ نوم طرفك يومغيرك ياالإمام اينام
تط أعيون شعبك وانت تسهر في لياليها
والا يا ثقل حملك يا الحكيم مبدد الأوهام
نقلت الحمل وتشيل الثقيله وأنت راعيها
خدمة الدين يا حامي الحرم يا محقق الأحلام
وكمّلت المسيرة سيرة بالعز تحييها
على نهج الشريعة والعدالة سرت عال الهام
ولا تخشى بشر ثنتين ما أحد ايساومك فيها
الأولى منهج واضح على القرآن والأحكام
والأخرى دارنا اللي يا ملك بالسيف حاميها
وتزور أقصى الدول شرقٍ وغرب وفي جنوب وشام
وتبرم لك عقودٍ مبهمه بالصدق توفيها
بذلت الجهد وأعليت العلم لا رفعت الأعلام
وصارت دولتك بين الدول تفخر بطاريها
وسيع الحلم لكن لا زعلت اشجع من الضرغام
اسد غابه اجروح اتزيدها واجروح تشفيها
ولا هم الصميدع شلة التخريب والإجرام
خفافيش الظلام إبليس بالإرهاب مغويها
ولي العهد سلطان الشهامه كافل الأيتام
أبو خالد مخلد صفحةٍ بالطيب ماليها
حكيم الراي لا جا بالعلوم أخذ وعطا وزحام
ينومس من ينيبه والصعاب بفكر ينهيها
وزير الجيش نبراس البطوله ملجم الأخصام
كريمٍ مدته كف الندى للناس يعطيها
وشباب المملكة خدمة وطنا واجب وإلزام
ولا يحمى الوطن والديره إلا فعل أهاليها
بلدنا منبع النهج القويم ومصدر الالهام
لها حق علينا وإن ظمت بالدم نسقيها
وصلاة الله على اللي ذكره اليا قيل خير اختام
على طه المشفّع منقذ الأمه وهاديها