ورقة قديمة

أخيل براق سرى وين يازي
من دون ربعي سهلة مبرهزة
ابغي العزا عنهم ولاني بعازي
ياما حلا عند أول النبت فزة
وممشاي مع من كان للنفس جازي
ورفقات من يبغي الوناسة وعزة
خوة نشاما تنشرى بالغوازي
إلى أقبل الطرقي بنظوه يهزه
كنه على البيت المثولث يحاز
بيوت أهلها من وراها بنزة
مشيدات في طويل النوازي
كزه ودزه واوصله في ملزه
والضيف من طيب المعازيب فاز
يا ما حلا الفنجال في كل حزة
في مجلس ما سفروا له بقاز
واللي يسويها صبي منزه
شطر بها ماهو خطاة الخناز
عجل يهلي بالمسير بفزه
لاهوب لا خدر ولا هو قمازي
يا صبي كان انك تريد المعزه
اعنز على اللي جارهم ما يهاز
جار المعزة ودك انك تعزه
وجار ترى جمعاه منها المجاز
ترك صبي بالبلد ضاع مزه
بغى البلاد ومن هل البر جاز
يبي حضير بالبلد مستلزه
اللي يبيعون اللبن بالبياز
أنا إلى كل لزى في ملزه
في ما قف السفهان مانيب وازي
حلفت ما وافقت معهم برزة
ولا بالردى خايلت شبه الجوازي
نفسي عزيزة بعض الاشيا تكزه
يا حبني لاهل النفوس العزاز
عيد العاصمي