شعب السعودي يا جماعه معزز

هذا البلد بالصعب يا ناس يهتز
هذا بلد توحيد هيبه وعزه
مبدا العقيده في بلدنا مركّز
معقل هل السنه ولا أحد يهزه
جونا هل الافكار جن تناقز
وحنا مثل شهب عليهم نرزه
ما همنا من كان يرمز ويلغز
جمعة رضا لو احرق الضد رزه
حنا على البيعه جموع تتفارز
بارقابنا بيعه وصعب نهزه
بحكم على التوحيد والدين والعز
آل السعود اللي لنا اليوم فزه
يا جيت واحدهم غلا فرحة فز
مثل الشفوق اللي من البعد نزه
وشعب السعودي يا جماعه معزز
بالعالمين اليوم كل يعزه
هذا المليك اللي لحسادنا خز
واكبر عدو بصبي عينه تطزه
ولأعدائنا بأوامره دزهم دز
صفع على الخدين ثم يكزه
الله يمد سنين عبدالله العز
مليك متواضع عطوف ورزه
وحنا يابومتعب على الطول نعتز
والناس عقبك بالبلد مشمئزه
وألا أبوخالد للعدا بدارنا جز
الحر يا شافه قلب لون وزه
ونايف على المنهج حسام تبنهز
كل العدا عن وجه نايف تمزه
وسلمان راس الطيب سلمان يا أوعز
وكل المراجل في يمينه ملزه
والشعب حب وود واخلاص يفرز
ولاء وصدق إحساس طيب ومعزه
النار بالعالم نشوفه توزز
اللي سلم عقب المعزه تلزه
نواف نهير العلوي الشمري