حكيم الرأي

الأيا الله يا رب البشر يا عالم بالغيب
يا رب باسط سبع وسبع فوق بانيها
كريم من رجالك بالرجا يا معتلي ما يخيب
تغيث الأرض بالامطار وبعد الموت تحييها
عليك الاعتماد انت الذي للمسلمين تجيب
يا رب الكون ياللي خالق الدنيا وما فيها
بذكرك يطمئن القلب رب ما عليك صعيب
تزين حروف شعري بعد ذكرك يوم اسويها
يار بي تنصر الاسلام وتذل أهل التخريب
وبلادي يا عظيم الشأن في قدرتك تحميها
بظل القائد اللي نايل للطائلة والطيب
زعيم المجد ابو فيصل ليا كبرت بلاويها
حكيم الرأي وقت اللازمة للكايدة ما يهيب
يعل كبود وكبود من العلة يداويها
وأبو متعب ولي العهد دائم للعداء حريب
وغيث للوطن والشعب والطولات راعيها
وسلطان العرب سلطان رأيه وافي ومصيب
ابو خالد دروب المرجلة دائم بعاليها
ونايف رجل الأمن مع الرجال اللي لهم تجريب
صليب الشور نظراته بعيدات هقاويها
بلادي يا بلادي العز والطولات والتهذيب
فداك الروح والعالم بقاصيها ودانيها
فداك أولادنا يا موطني واللي بعد بالجيب
حماك الواحد اللي يعلم النية وخافيها
وطنا لك علينا واجب ما نجنبه تجنيب
طريق الحق واضح والسلف نمشي مماشيها
رجال العلم والتعليم ضد الهدم والترهيب
وضد الشلة اللي ريس الشيطان مغويها
على نهج الشريعة والشريعة نورها ما يغيب
بوقت اللازمة أهل المواقف ما تخليها
تكاتفنا اوقفنا ماقف على الرخوم تعيب
يا منبع دين الاسلام الحنيف وقبلته فيها
ترابك يا وطن غالي وجوك يا وطن رهيب
ومجدك يا وطن شامخ بحاضرها وماضيها
ولا يا زمرة الارهاب يا هل الشك واهل الريب
عملكم يشبه أعمال اليهود الله يخزيها
براءة منكم الدين الحنيف انتم هل التعذيب
وعليكم والله اكبر في بدايتها وتاليها
بلادي طاهرة من فضل ربي ما يجيها العيب
ويكفينا شرف ان الشريعة أنزلت فيها