نور الأمل

البارحة ما ذاقت النوم عيني
يوم إن كل في منامه تهنا
هم يفارقني وهم يجيني
جتني هموم القلب منا ومنا
عزي لحالي من عذاب السنيني
طالت ولاجت لي على ما أتمنا
حاولت أزينها وعيت تزيني
وليا عدلت الحظ مال وتثنا
أعز نفس عزها مبتليني
والنفس لو هانت على الناس هنا
أبي الغناه ورفقة الطيبيني
وأدور الفرصة وعيت تسنا
متى الأمل نوره يشع ويبيني
وأنسى عذابي في سنين مضنا
والله لأخلي كل قاسي يليني
إما ارتفعنا فوق والا طمنا
صبرت لين الصبر بيح كنيني
اصبر وأقول الله يعين المعنا
صار العناء مكتوب فوق الجبيني
ليت الليالي بالقدر علمنا
الله على جور الليالي يعيني
والله يزيل الهم والغم عنا
والله يوفقنا بدنيا وديني
الواحد اللي فيه ما خاب أملنا