مهجر الهاجس

أنساك وش لون لا والله أنا ما اقدر
وإن كان أبنسى أبنسى ذكر نسيانك
وش لون أبنسى عذاب فيه متصبر
وحب على هامشك بالأصل عنوانك
صدقني أشوف نفسي غصب واتكبر
لا من ذكرت إني أول من بوجدانك
تبي الحقيقه اخاف اقول تتذمر
ومن سمعني قال بس اغواك شيطانك
مجنون فكري الى منه صحى وافكر
لولا المخافه من الله قلت سبحانه
والله لو الله ما هو بأغلى منك واكبر
لاجيك في يوم انا واطلبك غفرانك
ودمي تصدق لو أن الدم ما هو احمر
كان اتخير لها ألوانه من الوانك
وعمري لو أعطيك ياه شوي ومقصر
لا يا بعد حي من لو مات ما خانك
اقدر الكون كله لكن انت اقدر
ما تشوفني متعب حالي على شانك
وش لون ابنساك وانت الهاجسي مهجر
قررت أبنسى أبنسى ذكر نسيانك
غثيث خلف بن نجيفان الشمري