من دون أبو متعب رجال الهيبه

على مؤامرة الحقير الهافي
سمعت بالأخبار عنها موجز
يا كبرها يا عبرها يا كافي
ولا هي غريبه منه ماستغربها
أنا اشهد انه خبلٍ ومتعافي
مير يخسا الخسيس ما يسويها
لو هو يحبك خيوطها بالخافي
من دون ابو متعب رجال الهيبه
اللي لها وقت الخطر ميقافي
من دونه الشعب السعودي كله
الشعب وافي للزعيم الوافي
حنا فدا للدار وقيادتها
وذا ورثنا من ماضي الاسلافي
من يوم كنا ماختلف مبدانا
دايم ولانا للقيادة صافي
باليسر والا العسر ذا منهجنا
ما صابنا يوم اللقا خفخافي
نرسي كما الحيد المنيع الشامخ
على الوطن مترامي الاطرافي
يا سيدي سلمان يا والدنا
يا ابو الوفا والعدل والانصافي
سلمان يا سور الرياض ودرعه
بحر المعارف قدوة العرافي
يا منبع الحكمة ويا مصدرها
ريف الارامل مزبن الاضعافي
يا ناصر المظلوم من ظلامه
يا ريف من خانت به الاريافي
نادر حرار ما يصيد الهزله
ولا ياقع الا بعالي المشرافي
يا سيدي سلمان ذا تعبيري
عن غايتي واسمى واعز اهدافي
ارواحنا تفدا فهد واخوانه
بفعل على وضح النقى ينشافي
ما هي سوالف مسرد في مجلس
ووقت القسى له لفه ومحرافي
قول صحيحات الفعول شهوده
ويشهد عليه منزل الاعرافي
حنا وفينا للوطن وملوكه
يوم السنين القاسيات عجافي
يوم انها مرة ولا هي حلوة
يا كم حنينا من سيوف رهافي
واليوم يوم انه بعز ورفعة
بارادة الله ما يجيه خلافي
جلال مشعل الفرم
ملازم أول