الرياح الموسمية

الصبر حسن الوفوق لبيض الايام
والصح لو الخطا من غير نيه
تشابهت فالعيون احروف وارقام
يا معلمين الحروف الأبجديه
الشعر يبني لراع الشعر الاحلام
ترقص صفوفه طرب للسامريه
نفرش بساط الورق يا زرق الاقلام
للذكريات القديمات اولويه
الرعد صوته بعيد وبارقه شام
والنفس تجزع كذا من غير شيه
لو كان مريت مع صفوى والأوجام
يحن لك خافي يالعقربيه
تنبت زهورك فرح وأوراقك اكمام
ومن الورق تكتمل بك مزهريه
يا شوف عيني لقبل العام والعام
هبت عليه الرياح الموسميه
راحت سنيني هناك بصمت ما دام
اشبعت عيني رضا غصب عليه
والهاجس اللي يقوم ابه الغلا قام
يقدمه فاحتفالاته هديه
يشدني في طريقك بعض الاحكام
لو كان ما عرفك والفرصه بريه
ماني بمختل في شوفك وملتام
لكن شبيت لك نيران حيه
من نظرتك رميتين ارماح واسهام
ومن مبسمك يكتفي نحل الخليه
صورتك في ناظري رسمه ورسام
ما تنمحي لو تلامسها يديه