وقفة مع شاعر

الشاعر الشاب محمد حمد بن شعيبان الفريدي الحربي.. شاعر جيد له العديد من القصائد، عرفته منذ فترة شارك في العديد من البرامج الشعبية وكذلك الصحف الشعبية، ولنا وقفة مع بعض قصائد هذا الشاعر..
في الوطن يقول شاعرنا من قصيدة:
عسى ربي يعز المملكة بعيال أخو نوره
هل التوحيد والذمة رجال الدين وأنصاره
هل العوجا حماة الدار قهر اعداه هم سوره
بحد امصقلاتٍ حدب للعدوان جزاره
وعن كرامة الإنسان يقول الشاعر:
أعز ما يملك بها العمر الإنسان
كرامته هي ساس رفعة مقامه
نقص الكرامة ما يعوض بالأثمان
كلش يهون ولا تهون الكرامه
أما عن عشقه للبراري فيقول:
البر شوفه يزيل الهم ويذله
ويزبل هم بثر روحي مرافقها
نجد العذي من مشي بارجاه ما مله
وأنا هوى نجد يالعراف عاشقها
أما عن الشيب فيقول الشاعر:
يا قايل مسرعك وانته ولد شبت
فقط تبي تدري وش اللي جرالي
لوقت ابي فزعتك عني تهربت
ما انته مساعدني على ظروف حالي
وإن كان علمتك لهمي تسببت
لكن يا نشاد مالك ومالي
وإلى اللقاء مع وقفة مع شاعر آخر.. ولكم تحياتي،،،