سامح حبيبك

كثر الولع ما فاد بالعكس نقصان
وانته على ماضى تفهم عليه
انا ادري اني معك يا زين غلطان
سامح حبيبك يا بعد كل حيه
عزي لقلب ما عرف غيرك انسان
يجمح به الهاجوس بأرض خليه
لو يوزنونه ضاع من بين الاوزان
من كثر همه ما بقى منه شيه
يا بو جديل ضافي فوق الامتان
ارحم حياة اللي حياته شقيه
عمره ما شاف بدنيته غير الاحزان
معجب وقدم لك حياته هديه
صافي ذهن والقلب عاشق وولهان
متميز ما بين ربعه بذيه
يوم الهوى يا صاحبي عندك الوان
تركتني من دون ذنب وخطيه
خليتني لمعاند النفس مرضان
ارضيك وإلا ارضي حياة شقيه