محاورة

صياف الحربي :
يا مرحبا بالطرقي اللي ديرته ما هي بعيد
اليا مشيت العصر من واد النقيع أمسيتها
قلنا لك أخذْ البندقيه وادخل الوادي وصيد
واثرك ليا منك لقيت الطيّبه دسيتها
شليويح المطيري :
دام البقا وانته حديدي والحديد من الحديد
وأغنّي الأمثال بالحانك ليا غنيتها
أنته سواة اللي يحَوّل شيك ماعنده رصيد
لو كان تخبر صيدتي ديرتك ماخلّيتها
صياف الحربي :
أنته حديدي مار كثّرت المعاند ياعنيد
لولاك ماصلّحت سكيني ولاحديتها
أقفيت بالثوب القديم وجيت بالثوب الجديد
وتشب نارٍ في قديم الوقت ما شبيتها
شليويح المطيري :
يومٍ أشوفك فيه يا صياف كنه يوم عيد
وإن كان عندك مشكله ما تنقدر حليتها
سلم المجيدي منتهي فالسوق يا عبدالمجيد
وانته قروشك ما تغيرها بعد صريتها
صياف الحربي :
تحد عينك يمنا ياذيب مدري وش تريد
لوكان أطرّف لك يديّ من الزعل عضيتها
انته بعد غيرت طبعك لا شقي ولا سعيد
من الحسد حتى الدروب العامره سديتها
شليويح المطيري :
لولاك يا صياف مسلم قلت شيطانٍ مريد
م اتنتهي دعواك لو عند القضاة أنهيتها
الحاسد اللي في حياته يستفيد ولا يفيد
لو كان ما شفته بعيني جرتّه قصيتها