مجلسه يجمع شباب وشيابي

البدايه قبل الاشعار باسم الله
ومن بدا بذكر الولي دوم ما خابي
الله اللي يغفر الذنب والزله
الكريم اللي على الخلق توابي
ما اهمل الظالم ولو كان مهل له
عاقب المجرم ولا ناصر ارهابي
وبعد ذكر الله نبارك لعبدالله
عيدنا هذا وفي كل الاوجابي
نطلب الله في سنينه يمهل له
ضد للحاقد وعز للاصحابي
عامر قصره ومن جاه يدخل له
فاتح لرعيته كل الابوابي
بشروا با الخير من كان ياصل له
مجلسه يجمع شباب وشيابي
الكرم طبعه على طول ما مله
والعطايا ما يحسب لها حسابي
درعنا يا سيفنا عون من سله
عزنا من بدة سيوف وحرابي
كاسب للطيب والطيب زاهن له
وبالشجاعة ينطح الخصم ما هابي
طايعينه دوم ما تطري الذله
به نهاب وهو بنا دوم ينهابي
النفوس اللي من الحقد مغتله
من زئيره تنطفي طفي مشهابي
صقرنا من هازنا مخلبه شله
با الشدايد دوم موجود ما غابي
الولا واخلاص بالقلب يحمل له
ما سمع في لابته كل مغتابي
يا ابو متعب والله ووالله ووالله
ديننا صادق ولا هو بكذابي
والله ان قلوبنا منك محتله
وسطها حبك حضو روغيابي
يوم بعض العالم الغدر طبعٍ له
ما نخونك لو فنينا وننصابي
ويوم بعض ظلالنا زايل ظله
انت راس الظل به ريف وإخصابي
طال عمرك دمت والشعر فخر له
ومدح بغيرك به الشعر ينعابي