دار المكارم

بديت باسم اللي اصطفى إبلاد وإعباد
من أرضه وخلقه لشرعه ودينه
وأثني عليه اختصنا إعباد وإبلاد
منا النبي وأم القرى والمدينة
من دارنا في دارنا كل الأمجاد
دار المكارم جوهرتنا الثمينة
هذي البلاد إللي بها مهوى الأكباد
بيت الله إللي الخلق مستقبلينه
دار المشاعر والعقيدة والإرشاد
الدين فيها صافٍ من معينه
دار الخلافه والأئمه والأسياد
للدين والدولة وشعبٍ كنينه
لها محب وللسلاطين الأطواد
وافي العهد لملوكنا حافظينه
ونجدده دايم على روس الأشهاد
في يوم توحيد البلاد الحصينة
من عهد من وحّد بمرجاد وجهاد
وأرسى القواعد بالسيوف السنينه
عبدالعزيز اللي له المدح ينقاد
والمدح كلّه فيه مستنقصينه
أموسّم التاريخ هجري وميلاد
بإقامة الدولة ومعه إربعينه
به الفخر والعز باقي ويزداد
بين أهلها الوافين متوارثينه
وفي عهد من خلّف من إملوك وأحفاد
العهد ثابت والولا مقدسينه
لسعود ثم فيصل وخالد ومن قاد
فهد وعبدالله وسلمان عينه
تفرح بنا والله يمينٍ وميعاد
إنّا معه فيما يبي طايعينه
إمامنا اللي به كريم العطا جاد
ينقذ به السنّة ويحمي أمّتينه
والله لولا عين سلمان ورّاد
حوض المنايا كان متنا غبينه
راعي الحزم والعزم ضداد الأضداد
عوق الخصيم إللي لعبّه قرينه
ومحمد الحُر الوحش عجل الأهداد
كان أمته والي العهد محترينه
يقود بعزومٍ توقّد توقّاد
دولة ورؤيه جعل ربي يعينه
عاشوا الملوك وشعبهم دايم أعضاد
الصف واحد والهدف راسمينه
أمن البلاد وحفظها غاية إمراد
حاكم وشعب وعسكريٍ في كمينه
شروا الاسود إللي عن الحد ذُواد
جيش الكرامة عرضها محتمينه
أنشهد إنهم عز من هم له إسناد
أهل الشجاعة وقعهم مثبتينه
والأمن لا هان احتمى داره وجاد
بإمات تاج وبالعقول الذهينه
صقوره الوافين في كل مرصاد
من خان ولا بار جتوا وتينه
والشعب كله من عربين الأجداد
كاس الحميا والعدا شاربينه
والله وتالله عهد ما عنّه إحياد
يمين كل إرجالنا مقسمينه
إن يفتدون المملكة جمع وأفراد
برواحهم وأغلى ثمن ملاكينه
وأهل الضغاين والدسايس والاحقاد
حنا لهم رد البرى معلنينه
ما همنا شاشات وأبواق الأوغاد
عدوّنا بفعولنا ملجمينه
وإن عاب ناقم يا بلادي وحساد
تبقين عظمى والرهن كاسبينه
أنتي ذرى المضيوم من جور الأنكاد
ذاك انتصرتي له وذا تحتوينه
هذا اليمن يشهد والأردن وبغداد
والقدس والمغرب ومصر الكنينة
مع الجزاير والكويت وبعد عاد
لبنان والبحرين يشهد قطينه
حتى العجم تشهد على كل جحاد
للموقف إللي دايمًا تحتمينه
دون العقيدة وأهلها وأمة الضاد
يا نجدة اللي قد تلاشى يقينه
تمّت ويا دار المشاكيل الأجواد
نامي قريرة عين بأمن وسكينة
في ظل ربي ثم ذرى إملوكنا أوتاد
الوحده وخلف الجيوش الأمينة
وصلاة ربي عالنبي اللي بعث هاد
بأخلاقه وهديه وفضله ودينه