عديم الرأي

حاولت أعالج مرض معدي وفتاك
ما هو مرض سارس لكنه وليفه
ما أشوفه إلا مع اللي ما له ادراك
مبلي ويبلى به انفوس ضعيفه
يضيع من سيرته هذا وهذاك
ويتهم رجال مواقفها شريفه
اللي تكلم بشين الهرج يبلاك
يمشي وعينه عن اليمه كفيفه
ان قلت مخطي بليا شك خطاك
وان قلت صايب تبين لك غريفه
إلى نصحته عديم الرأي ينهاك
كثر المكابر بدنيانا حليفه
مار انتبه له ولو يبحث عن ارضاك
ترى علومه عواقبها مخيفه
خالف طريق مشابه ووزن اخطاك
واحذر يماشيك مخلوق وصيفه
اسلك طريق يعزك عند مولاك
اعمالك مسجلات بالصحيفة
ان كانها خير تلقى الخير يمناك
ما دامك مقدم أعمال نضيفه
وان كانها شر قدمته بدنياك
ابشر بحسرات وأهوال كليفه
ما فيه حي يبي ينقل خطاياك
النار لأهل الموازين الخفيفة
يا الله يارب يارحمن بحماك
تنجي عبادك من أهوال عنيفه
تجعل لنا الجنة بلطفك ورحماك
هذا رجانا ودنينا كسيفه
أحمد بن سعود الحمد