المملكة هي دولة العز والكار

يا هاجسي من بعد ما درت الأفكار
جبت القلم عندي علوم كثيره
سر يا قلم ما عاد للشعر معذار
يا لله عسى فلامر خير وخيره
كلٍ يعبر عن شعوره بالأشعار
كلٍ يطلع محتوى في ضميره
شاعر ومتمكن ولا نيب محتار
أميز الاولى وأعرف الأخيره
اسبح بحور الشعر واطب الاخطار
اسبح بعبات البحور الغزيره
وأنا أدري ان الشعر ماقف وشعار
الشعر ديوان العرب في الجزيره
من بعدها نشجب عمل صاير صار
فعل الضعوف أهل النفوس الحقيره
شرذمةٍ أخس وانجس من الفار
الشر يبقى في الوجيه الشريره
يديرهم كاهن مشعوث وسحار
لكن نار الآخرة هي مصيره
اللي يخون بدولته كلب وحمار
الله يكرم حافظين السريره
اللي لهم هيبه وحشمه ومقدار
لا خير في سيف يعض بجفيره
حنّا عرب وأصل العرب دمهم حار
بيت لخلف راعي العلوم السفيره
حنا سعوديين في سر وجهار
في ظل أبو فيصل عسى الله يجيره
الله يجيره من صواديف الاقدار
اللي يعيش الشعب من خير خيره
واخوانه اللي له يديرون الاشوار
رئيس حرس والجيش يسلم وزيره
قلته وانا حر ومن غيري احرار
عندي على داري حميه وغيره
هي موطني داري ولا غيرها دار
مهبط وحي ولها مع العز سيره
المملكة هي دولة العز والكار
عز الله انها في عيوني كبيره
هي أمي اللي حبها صرح وشعار
اتضمني يوم الليالي خطيره
أمي عطتني درها حلو مدرار
وشلون ما جزاها بحلو البريره
وترابها يسوى الذهب بين الأقطار
حتى لونه اتراب ما حب غيره
واللي يخون الله يجازيه بالنار
من الصراط يصير وسط السعيره
حنا رجال الامن ونبيع الاعمار
لاجل الوطن ننطح وجيه المغيره
نحفظ الامانة في صناديق الاسرار
ولا نضيع لو حبة شعيره
يا الله يا معبودنا وانت غفار
ترحم وتلطف وانت عينك بصيره
يا قابل طلبة عبادك بالاسحار
إنك تعز الدين في كل ديره
وتحفظ هل العوجاء طويلين الاشبار
آل سعود أهل السيوف الشطيره
وصلاة ربي عد ما طاير طار
على نبي الحق وأيضا نذيره