شلة التخريب

اهبوا هبيتم يا عصابات الارهاب
الله يكشف ستركم للعداله
متلبسين باسم الاسلام جلباب
وأنتم بعيد عنه في كل حاله
الاسلام دين العدل في كل محراب
والهدي هدي اللي بعث بالرساله
لا للتطرف والتورط والاعجاب
والانحراف اللي سريع زواله
ولا للشذوذ ولا لتهديد الاجناب
اللي لهم في مملكتنا عماله
ولا للخيانة والجبانة والأسباب
اللى تؤدي للفشل والرذاله
ولا للتحدي والتعدي والاغضاب
ولا للسلوك المنتمي للجهاله
ولا خير بعض العوارض والاشناب
اللي تباع وتنشري في البقاله
يا شلة التخريب حضار وغياب
أفكاركم ما تنتج الا ضلاله
ترمي بكم في وسط غيبوبة الغاب
والغلو غل افكاركم في غلاله
قتل المعاهد جرم من كل الأبواب
وإن شاء الله يجرى لكم ما جرى له
يهزمكم اللي قد هزم قوم الاحزاب
الواحد المعبود جل جلاله
ثم سيف شرع الله على عوج الارقاب
اللي به الظالم يحصل نكاله
سيف وقلم وملوك وأنساب وأحساب
وأمن يهز المعتدين اتصاله
وشعب مميز بالعقيدة والالقاب
غربه وشرقه والجنوب وشماله
يا إخوان نورة يا مخلصت الأنشاب
خيالة العوجاء ملوك العداله
والضرب ما يكفي على عطفة الداب
والسم في راسه يزيد اجتواله
اضرب على راس الحنش واخلع الناب
واهدر دم الخاين وحاله وماله
وانا اطلب الله عد ما هب هباب
يحيى فهد للشعب تحيا العداله
لاطاب أبو فيصل ترا حظنا طاب
قولوا عساه يطيب حاله وفاله
ويعيش ابو متعب ذرا كل من هاب
اللي خصيمه يرتبك من ظلاله
ويعيش أبو خالد لنا درع وحجاب
بحر الشجاعة والكرم والجماله
ويعيش نايف نايف الامن ما خاب
من حط نايف مسنده وارتكاله
ويعيش من صيته كما المسك جزاب
عطر المجالس يوم يعرض مجاله
اللي بوجه الشعب ما سكر الباب
سلمان سلمان الفخر والجزاله
وصلوا عدد ما بان نجمٍ وما غاب
على الرسول اللي بعث بالرساله
سيف سعيد سند الجروي القحطاني