عشتك أمل ..!!

قربك حياة الروح يا غاية الروح
وبُعدك خناجر تطعن الجوف ورماح
أحي الغلا .. لا تقتل الحب وتروح
دنياي دونك كلها هموم واتراح
تعال بدد ضيقة الحال والنوح
ابيك تسمع ضايق البال لا ناح
أشقيتني بالصد وتظنها مزوح
ترى الجفاء سمٍ على القلب ذبّاح
يكفي تعب يكفي متاهات وجروح
ليتك تحس بخافقٍ منك ما ارتاح
تدري بحبك والهوى صار مفضوح
فيه الخساير جاوزت حدّ الارباح
شفني بقايا انسان شاكي ومطروح
فارس ترجّل من جواده ولك طاح
عشتك أمل يضوي على دربي الضوح
دامك هناء عمرٍ رجا فيك الافراح
هذي مشاعر نزفها جاوز البوح
ترجيك تقرب خوفها يوم تنزاح
أبي نهاية واقعي منك بوضوح
صدق الجواب وما تمنيت بلحاح
وكانك نويت تغادر القلب وتروح
ما عاد باقي فالعمر كثر ما راح