رحمتك يالمعبود

هذه الأبيات كتبها الشاعر مرير بن عبد المحسن الحبيل العتيبي في رثاء الفقيد عبد الله بن حثلان السبيعي - رحمه الله -:
أكتب وأنا بأملي عليك الكتابه
أقول قولٍ مثل ما قال سحمان
سحمان عزى في العتيبي اعتابه
وانا عن العتبان عزيت سبعان
سبيع واللي في القبائل درابه
احسن عزاهم يالولي في ابن حثلان
وعزاي لمحمد وكل القرايه
واخوانه اللي في المواجيب شجعان
مرحوم يا شيخ تقافت اركابه
شيخ عساله داخل الخلد مسكان
ونجه من القبر الظلام وعذابه
واغفر ذنوبه يا لولي عالي الشان
وسع طرف جيلان قبر لجابه
يا رب خله لابن حثلان ميدان
وطالبك يالمعبود خفف حسابه
وطالبك من فضلك تجازيه باحسان
عفوك ولطفك يوم تاخذ جوابه
يالواحد اللي للمخاليق ديان
ما غيرك احد نستجير بجنابه
ورحمتك يالمعبود عفوا وغفران
يالواحد الى مرتجين ثوابه
نطلبك عفوك يوم زوغات الاذهان
اغفر لطرقي لفاك بزهابه
ثقل موازينه الى خف ميزان
مرحوم يا شيخ عزيز جنابه
انا اشهد انه من طويلين الايمان
طيبه مع الاجناب كل درابه
وكل القبائل لابن حثلان صدقان
ومن كل عيب طهر الله ثيابه
تنشر له البيضاء على كل ما بان
ذيب مخلف له خلافه ذيابه
نقوة رجال من سلايل كحيلان