حلول الغز

نشرنا في عدد الأسبوع الماضي لغزاً كتبه الشاعر عطاالله بن سليمان العطاالله من محافظة الزلفي وكان نصه:
شفت يا أهل المعرفة شي غريب
من قديم الوقت تعرفه العرب
ذاكره رب البشر ما فيه ريب
والعجيب إنك إلى جيته هرب
ونظراً لكثرة المشاركات فقد أخذنا الحلول حسب أولوية الوصول ودقة الالتزام بالقافية فجاءت كما يلي:
مرحبا ترحيب من جاه الحبيب
يوم زاره من يودّه واقترب
(والسراب) إذا وصلته من قريب
راح والعطشان صدّر ما شرب
حسين عبيدالله بن هندي المحيلاني
كان تسأل ياعطا الله لك مجيب
ما رجعنا عن جوابك لو هرب
السراب اللي تقول انه عجيب
كل ما أقبل طارده يمه.. غرب
أحمد عبدالعزيز العمار الزلفي
مرحبا بك يا عطا الله يالحبيب
من وصل لَلْعِد من ماها شرب
السراب ايشابه الما بالشعيب
مبعد الحروه وانا حسبه قرب
علي رشيد الرشيد رياض الخبراء
يا الغريب اللي تبِ الحل الرقيب
اعتصم بالله في وقت الكَرَب
لا بغيت الماء فارد جال القليب
لا تطارد لك سراب ما قرب
مسفر فهيد السبيعي الأحساء
العبير انساب في روضٍ عشيب
والغصون الخضر ترقص له طرب
خبّر اللي راقيٍ راس الجذيب
من يخيل اللال ما عمره شرب
فهد الجروان الزلفي
مرحبا ترحيبة الشخص الغريب
لا قرب من دار ربعه لا قرب
السراب يشاف وان جيته يغيب
شافه العطشان لكن ما شرب
عيد عبدالله المسردي الدمام
مرحبا وهلين يالرجل اللبيب
لغزك أبعيدٍ وللعارف قرب
السراب وجعل ظني ما يخيب
شافه الظامي لكنه ماشرب
شبيب هذال الوندان رماح
يا عطا الله مرحبا بك يالبيت
يالمحنّك حل لغزك لي قرب
السراب الي تبين يالنجيب
ظنه الظميان مي ولا شرب
غازي بن عجاب أبو زوايد الاسياح
مرحباً ما طار طير وسار ذيب
وما جمع رقم وقسم وانضرب
بصاحب الصفحة وشاعرنا الحبيب
ما سراب جاه ضميان وشرب
سعد بن عبدالله الكثيري الحريق
كل لغزٍ يكشفه رجلٍ لبيب
لا جمع.. والا طرح.. والا ضرب
وإن سجع بالحس صوت العندليب
السراب أكيد يطرب له طرب
فيصل فهد العمار الزلفي
يا عريب الاصل والخال العريب
لغزكم ما تمسكه لو هو قرب
السراب الياشفته كنه قريب
يحسبه العطشان مي ولا شرب
خالد المويهان الحربي بريدة
مرحباً بك ياكريم ويا عريب
فيها علوم ابن العرب
جاك حلي واثق من دون ريب
ذا سراب كل ما جيته هرب
عبدالكريم بن سلطان الأسعدي الزلفي
ما خفانا اللغز ولحله نجيب
بان حله ياعطا الله واقترب
السراب اللي على الظامي قريب
يفرح بشوفه ولا جاله هرب
محمد بن عبدالعزيز الخنيفر أشيقر
العطا الله يسأل وحنا نجيب
والأماني حلنا ما يحتجب
والإشارة تكفي الرجل اللبيب
السراب أكيد إذا جيته هرب
راكان بن محمد المحيميد أمهات الذيابة
مرحبا يا شاعر حرفه عجيب
في حروفه لراعي المعنى طرب
«السراب» الحل والفاهم لبيب
يخدع الضميان مات ولا شرب
مشاري خالد الدعجاني
يا عطااللهمابها الدنيا غريب
افتكر وتشوف غايات العجب
السراب اللي تشوفه مالعجيب
لا بغيته رحت له منه هرب
مبارك محمد بن طرجم الضعاوين - وادي الدواسر
مرحبا يا شاعر عندي قريب
لا بعدت شوي من يمي قرب
ما اختلف مثل«السراب» اللي عجيب
شافه المظامي وشال له القرب
محمد بن حمد البدر الزلفي
لغز هذا الأسبوع كتبه الشاعر زهران المطيري من مدينة بريدة ويقول فيه:
انشدك عن بنتٍ لها شان مثبوت
بنتٍ عزيزه في حياتك مهمه
ما تشرب من الماء ولا تأكل القوت
وتقيم بيتٍ فيه تعتز الامه