حلول اللغز

نشرنا في عدد الأسبوع الماضي لغزاً كتبه الشاعر فرحان الجمعة وكان نصه:
يا جماعة شفت لي شي عجيب
فاسخ ثوب الحيا يمشي كشاف
ابن ابوي.. وكيف سيفي له حريب
ذابحه قبل أمس والليلة يشاف
وقد وصلتنا عشرات الحلول استحق منها النشر بعد الفرز الحلول التالية:
والحل هو الشعر
وإليكم أبياتي:
يوم شفت اللغز ظنيته صعيب
وقمت أفكر وابتعد فكري وطاف
وأثره المأخوذ من وجهي قريب
«الشعر» حله ولا فيه اختلاف؟؟
منصور حماد الشمري - الثقبة
* * *
غردي يالورق في جمال الشعيب
يوم هل الغيث برياض نشاف
وحل لغزك يابن جمعة ما يغيب
الشعر ما أظن يحتاج اكتشاف
محمد بن حمد البدر - الزلفي
* * *
يا لجزيرة والزمن هذا غريب
والليالي صايراً فيها اختلاف
آه والعارض بداء فيني يشيب
والضمائر كن داخلها ارتجاف
نشمي نزال العنزي - الدمام
* * *
المسا شمسه تهرف للمغيب
والسلاح يصوبونه بالمشاف
مرحباً «بالشيب» من قبل المعيب
لو يغطّى صورته لازم تشاف
علي رشيد الرشيد - رياض الخبراء
* * *
يا إبن جمعه لغزكم هذا غريب
من رفع ثوب الستر جاه العزاف
ما عقب وقت الصبا إلا المشيب
وقص شعر الراس والشيب الخفاف
أمجاد الشكرة - الأفلاج
* * *
كم رجل من قبل شيبه يشيب
ومن يشيب بطاعته لابد ناف
التقدم بالعمر ما هو بعيب
بالحياه وسنته لومنه خاف
عايد بن نوار العنزي - الرياض
* * *
قال بن جمعه وحنا له نجيب
في بيوت صاغها فيها احتراف
الشَّعر والموس دايم له صحيب
وجبته دايم ولا يمكن يعاف
محمد بن عبدالعزيز الخنيفر - أشيقر
* * *
مرحبا بك عد غيث له صبيب
وعدما اسقى الأرض وعروق نشاف
وحل لغزك يا ولد جمعه قريب
«للشعر» حلاق والموس اكتشاف
عطا الله بن سليمان العطا الله - الزلفي
* * *
يا جماعة ما على الدنيا غريب
شيف بالعينين والاّ ما يشاف
كان يا فرحان ضني ما يخيب
«الشعر» للراس مخلوق لحاف
صويلح بن عبيسان الشيباني - الرياض
* * *
لو يكود اللغز ويعل اللبيب
نكشف غموضه على طول اكتشاف
ما يطيب لكيف من روّح نجيب
غير حلٍ بالشعر كافٍ وشاف