حلول اللغز

نشرنا في عدد الجمعة الماضي لغزاً كتبه الشاعر علي بن مسفر الوايلي وكان نصه:
ويش رجلٍ وسط بطن أمه مخفي
لا يخاف ولا يخون ولا يباتي
ما يبيّن كود يوم أمه توفّى
يخبر النشاد باسباب الوفاتي
وكالعادة كان تجاوب قراء الجزيرة كبيراً فوصلتنا عشرات الحلول.. وقد استحق النشر بعد الفرز للحلول التي اكتملت فيها شروط النشر وهي:
مرحباً اعداد مارمشٍ يرفي
بالرجال اللي على قولٍ ثباتي
يصنعون اللغز وحلوله تقفي
باوسط «الصندوق» يلقون السواتي
أبو هاني السعدي - المدينة المنورة
رف قلبي يوم شفت اللغز رفّى
وبان حل اللغز مثل النايغاتي
انشد الصندوق الأسود يوم هفّى
ودوره وطلعوا منه الثباتي
محمد بن صقر الصفق - شقراء
خذ جوابٍ كنه الشّهد المصفّى
أرسله عبر البيوت المتقناتي
عندك الصندوق حله ما تخفّى
صمّموه مخصّصٍ للطايراتي
زيد سعد جليغم - الرين
مرحباً يا شاعر وفي وكفّى
مع هل الالغاز له علماً ثباتي
يخبر الصندوق الأسود بالمخفّى
ومن سقط من الطايره ما له حياتي
سالم عبد الله سالم العرجاني- الافلاج
طائرة جناحها بالجو شفّى
به جهاز (أسود) وكل الطائراتي
دائمٍ شغّال ما لحظة تعفّى
وان عطا التقرير يعطي بالثبتي
جلعود لافي الشمري - حائل
السلام اللي كما الشهد المصفّى
ارسله لاهل العلوم الوافياتي
ودام مسفر وصَّف بلغزه ووفّى
يقصد «الصندوق الأسود» بالصفاتي
عطا الله بن سليمان العطا الله- الزلفي
يا سلامي مع تحية واتحفّى
والتراث اعلومها دايم ثباتي
الجهاز اللي تبونه ما يطفّى
ذاك الأسود كل أموره محكماتي
علي رشيد الرشيد - رياض الخبراء
الأمل موجود والا الياس قفّى
منهزم يبحث عن دروب النجاتي
انكشف سره ولو نوره مطفّى
رمز في صندوق سر الطائراتي
محمد عبد الكريم الغزي - الزلفي
يا سلامي عدما برق يرفّا
للجزيرة ولحميدين الصفاتي
وايلي بالمعرفة كفّى ووفّا
وحل لغز يا جده بالطايراتي
هادي مريط اليامي - الرياض
نظمكم يالوايلي كفّى ووفّى
وارد المعنى رموزه بيناتي
حله الصندوق وسط أمه تخفّى
يا كفانا الله شر الحادثاتي
خالد محمد السرهيد - حايل
يا هلا بللي نشدنا وانتحفّى
عندنا له علم واحلولٍ ثباتي
مسفر الصندوق الأسود ما يطفّى
يسألونه لأسْقطن الطايراتي
فهد بن عقيل الطويان - بريدة
الحميدي للتراث اليوم وفّى
مرحباً به عد رف الحايماتي
ومرحباً بالوايلي وفَّا وكفّى
وحل لغزه في بطون الطايراتي
فهد عبد الرحمن الجاسر - الاسياح
مرحباً ما قيل برق الصيف رفَّا
في مقادم غر مزن مرعداتي
عارفين الحل لو أنه تخفّى
أسودٍ صمم لسر الطايراتي
نافع الحربي - الرياض
يشكر اللي باذلٍ جهده ووفّى
خلص أعماله ما خلاها وباتي
ولغز مسفر ما احترق لو ما يطفّى
سجل الأحداث وسط الطايراتي
سعيد سعود الرشيدي - عنيزة
الجزيرة جهدها كفّى ووفّى
كل قاري يا جد الرغبة ثباتي
مرحباً نرسل تحية وانتحفّى
ذاك هو صندوق وسط الطايراتي
خالد بن سليمان الجريش
يا هلا تعداد طير يوم رفّى
بالرجال أهل السلوم الطيباتي
يوم جاب اللغز مسفر ما تخفّى
حله الصندوق الأسود ذا ثباتي
فالح بن غازي الحربي - رياض الخبراء
العزيز اللي اليا جينا تحفّى
له نرد العلم لو طال المباتي
لازمٍ حقه يا بن وايل يوفّى
وأسود الصندوق ما غيره ثباتي
فيصل فهد العمار - الزلفي
مسفر بن الوايلي كفَّا ووفّى
في بيوتٍ بالمعاني محكماتي
والهدف صندوق اسود لو يخفّى
بينٍ لأهل العقول الصاحياتي
رايد عيسى الرشيدي - عنيزة
مرحباً من شاعر كفَّا ووفّى
في دروب الشعر ما يبغى وصاتي
ابك ذا الصندوق الأسود قد تخفّا
في مكان خافي فالطايرات
محمد بن سعد آل جناح - القويعية
مرحباً مثل العسل حلو مصفّى
بالرجال أهل القصايد والرواتي
قائد الطيارة اللي يوم قفّى
سجل الصندوق سر الطائراتي
جهاد العقيلي
لو جواب اللغز يا مسفر تخفّى
نكشف رموزه ولو هي مبهماتي
خبر اللي تاه عن دربه وقفّى
قله الصندوق الأسود له طراتي
فهد الجروان - الزلفي
البيوت اللي كما الشهد المصفّى
جاتنا وسط التراث مرتباتي
وان تخفّى اللغز عنا ما تخفّى
حله الصندوق وسط الطايراتي
سعد بن مويزر البدران - الرس
يا جماعة مسفرٍ وفا وكفّى
يوم وصّف لغز بزين الصفاتي
نعرف الصندوق الأسود ما يطفّى
دايم في وسط كل الطايراتي
عبد الهادي فهاد العرجاني - الافلاج
الجزيرة نشرها صافي مصفّى
عذبة والنشر فيها له حلاتي
ولغز مسفر عارفينه لو تخفّى
اسمه الصندوق الأسود في بطون الطائراتي
فهاد عايض بن عمير
يا بن وائل لغزكم وفّى وكفّى
وهاك حل اللغز من عندي ثباتي
بالطائرة صندوق به شرحٍ موفّى
أسود لونه كما لون العباتي
عبد الله سليمان اليحيا - حائل
طير يا اللي في جناحينه يرفّى
قل لنا وش صار باللي طايراتي
بعد طارن وانكفن والعمر قفّى
ينطق الصندوق ما يسمع وشاتي
محمد بن حمد البدر- الزلفي
الرجل معروف حله ما تخفّى
والردود اليوم جتكم بيناتي
قلت أنا الصندوق الأسود ما يطفّى
يخبرك عن ما حصل بالطايراتي
محمد بن عبد العزيز الخنيفر - أشقير
طير يا للي باشقر الجنحان رفّى
معك أمانه وصل العلم الثباتي
نبخص الصندوق لوعنَّا تخفّى
لونه أسود في جميع الطايراتي
بدر عبد العزيز العمار - الزلفي
ابن وايل كاتب لغز مصفّى
ما سكن بالأرض يسكن طايراتي
قالوا الصندوق الأسود ما يطفّى
صادق بالقو علومه ثابتاتي
مشاري خالد الدعجاني - شقراء
مرحباً ترحيبة الشهد المصفّى
وفي حلول اللغز ما نبغى وصاتي
حله الصندوق لوانه مخفّى
يخبر النشاد بالعلم الثباتي
هندي بن نابت الغياثات - الافلاج
اتعبتني ها الحلول اللي تخفي
وحل لغز الوايلي لون العباتي
لو تموت أمه ترى هو ما توفّى
قصدي «الصندوق الأسود» يا غناتي
فرحان الجمعة
الخبر لا جابه الصندوق وفّى
يظهر المدفون واعلال الشَّتاتي
ولا توفَّت من تشيله ما تخفّى
واشغل البحات ورجال النّجاتي