محاورة

من محاورة قديمة جرت بين الشاعرين الكبيرين الشاعر الكبير أحمد الناصر الشايع والشاعر الكبير عبد العزيز البادي رحمه الله.
* أحمد
يأهل الملعبه سوق الغلا جذاب
سيروها تسير بدبرة الوالي
كل واحد يحسب للزمان احساب
والمعاني جداد اريال بريالي
* عبد العزيز
الليالي تدور وتبرم الاسباب
والمعاني لها فاتل وحلالي
درّج السالفه يفتّر له دولاب
واذكر العلم الاول واذكر التالي
* أحمد
يار جال المعرفه تو كيفي طاب
يوم دار الفلك من حال في حالي
مسجد العيد به للي خطب محراب
وش يقول المطوع طيّب الفالي
* عبد العزيز
ما نحب انتخطر ديرة الاجناب
والمسافه بها ممسى ومقيالي
ما يقوله يا كود اللي وقع منصاب
ان لفوا من نكيف القوم زعالي
* أحمد
يا الله اليوم لا تتكل على الاسباب
ما مع الناس كود اعمال وافعالي
العرب تفهم الصادق من الكذاب
وأنت رجال هرّج كل رجالي
* عبد العزيز
خابر الطير ما يفرس بلا مخلاب
والليالي لهن انكاف واقبالي
ما درى ويش حيّر راعي المعزاب
والشريطي يبيع بغير دلالي
* أحمد
وأنت يابو حمد من صاحبك مرتاب
والجمل ما يسير بغير جمالي
ودي اللعب واسوي للمعاني باب
باب واسع به العربان تهتالي
* عبد العزيز
يوم رجلك تعدي نايف المرقاب
مد شوفك وحقق شوف الازوالي
خابرٍ ما علي ولا عليك عتاب
ما نطاوع بعرفك هرج عذالي
* أحمد
أنت اشوفك تهدد بأم نص اخشاب
طبعنا ما نهوز الصاحب الغالي
وأنت رجل فتون وفي يدك مشعاب
والسلامه عساها منك تبرالي
زهران عون الله المطيري