درب الغرام

عليك يا الله يا جرح بقى في داخلي تذكار
رحل من سببه مير البلا ما راحت ارسومه
بنات العاطفة وسط الحشاء تشكي من اللي صار
تصيح وتشتكي في داخلي وتقول مظلومه
بلاي إنه معي لا رحت وألا جيت باستمرار
مصيبه مير ما للآدمي يا كود مقسومه
تجمع شرد أفكري وتسريبي مع السمار
أساهر مع نسيم الليل بدر الليل وانجومه
ابنسى اللي مضى والذاكرة للي مضى تندار
وتعيد الذكريات اللي من الحرمان مفطومه
تصور لي من الماضي كلام وعاطفة واشعار
تذكرني علومي بسالف الأيام وعلومه
ولا مني صحيت أشتب في داخل خفوقي نار
على اللي باعني بأرخص ثمن عند أول السومه
أنا في ما مضى ما كنت أحسب أن الزمن دوار
أحسب إنه سعادة لين صاب القلب بسهومه
لو إني عارف درب الغرام من أول المشوار
قصرت الرجل واللي يقصر الخطوات ما لومه
أثر درب المحبه يتعب اللي فالمحبه سار
وأثرها سكة لأهل القلوب الخضر مرسومه
وثقنا فالهوى وأثر الهوى مثل البحر غدار
وسفينتنا من أهل العاطفة والشوق مزحومة
ولا مني صحيت أشتب في داخل خفوقي نار
على اللي باعني بأرخص ثمن عند أول السومه
أنا في ما مضى ما كنت أحسب أن الزمن دوار
أحسب إنه سعادة لين صاب القلب بسهومه
لو إني عارف درب الغرام من أول المشوار
قصرت الرجل واللي يقصر الخطوات ما لومه
أثر درب المحبه يتعب اللي فالمحبه سار
وأثرها سكة لأهل القلوب الخضر مرسومه
وثقنا فالهوى وأثر الهوى مثل البحر غدار
وسفينتنا من أهل العاطفة والشوق مزحومة