الطريق الخضر

غير نزف المشاعر والسهر والقصيد
قولي إن الزمان اللي نخيته عثر
يوم ثارت عزاوي الصمت بارض الوريد
ليه أنا اللي سقيت ولا جنيت الثمر
ليه أنا الشاطر وينقال عني بليد
والله أني لا أجوب الكون بر وبحر
لين تلبس ليالي العمر ثوبٍ جديد
علمي نور عيني يا سنين الكدر
ما تموت المشاعر في كفوف الجليد
الصقر ما تغير طول عمره صقر
عادته فوق هامات الشواهق وحيد
عزته ترفض أنه ينحني للشجر
يوم بعض الطيور تصيح فوق الجريد
ايه قولي لها إن الليل عندي فجر
والذهب صار في عيني يساوي الحديد
الطريق الخضر شفته بعيني غبر
والصبر مات في كف الزمان العنيد
يقطع الصبر كان اللي صبر ما ظفر
ويش لي بالصبر كان الصبر ما يفيد
جاوبي يا سنيني ما بقى في العمر
غير جرحِ نزف حبر المواجع قصيد
- عبد الله عبيان