صوت وصدى

- الشاعر/ تركي المريخي

مضمونها تقدير من قلب صافي
سلام يا راعي الوفا والمواجيب
سلام يا رجلٍ مع الناس وافي
الخالدي عشاق روس المراقيب
عساه دايم بالوجود متعافي
يركض ورى العليا ويبحث عن الطيب
والطيب ما يلقاه كود السنافي
أجيك لو ما ارسلت يمي مناديب
آصلك لو اني على الرجل حافي
سيرت لك من غير موعد وترتيب
واخطاي يمّك يا بوخالد خفافي
لك منزلٍ بين الضلوع المحاديب
متبينٍ يا عنك ما هو بخافي
واختامها مني سلام وتراحيب
مضمونها تقدير من قلب صافي
- الشاعر/ تركي المريخي
**
يا مرحبا ترحيب حاتم إلى نيب
باللي لنا من نازح الدار لافي
سلامٍ احلى من جديد المراطيب
عقيرة العصفور بين الخوافي
اعداد كتفان الجراد الجناديب
واعداد ما يذري على القاع سافي
تلَّوك للعليا احلوس الحيازيب
شم الخشوم مخضبين الرهافي
حمّاية التالي اوساع المضاريب
في ماقفٍ فيه السنافي يشافي
وانته يبو خالد حفيد الغواليب
ذبّاحة المردم وستر العفافي
صغير سن وماضيٍ لك تجاريب
ظلّك على جارك وعانيك ظافي
روّضت عسرات القوافي الهواريب
لمّا صفن لك واذعنن القوافي
الطِّيب ورث الذيب من جدّه الذيب
ما هوب ينبت في وسيع الفيافي
لا هنت يا فرخ الحرار المعاطيب
وأهلاً هلا بك ما بدا كل خافي
- الشاعر/ عبدالله السياري