مطبوع صورة

سعد الشقحاء

ما رجت من غير خالقها عطيه
عزة الانسان هي مكمن سروره
وما يهون الا راع النفس الدنيه
الرجال بوقفة الطيب مخبوره
يوم ولد الاش وقفاته رديه
ورفقةً ماهيب بالطيب معموره
اشهد انها لرجل عيب وخطيه
النوايا بيض والخطوه جسوره
عاشقن للطيب والنظره عليّه
ون جهل درب المراجل ولد نوره
الدروب اوساع والهقوه قويه
دام شانت نيته ياكل فطوره
الردي ولد الردي ماني خويه
خاربن دله وزايد في غروره
جعلها فرقاه في يوم الضحويه
دام في رفقته لاهل الطيب بوره
المراجل مالها عنده هويه
سمعته من قولة النعم مهجوره
ما ذكر بالطيب حتى من ذويه
الردي وجهه مع اهل الطيب عوره
لو فرضه الوقت ما يفرض عليه
ما خذينن من صفر فالطيب دوره
من علوم الطيب ما تفلس يديه
يوم غيري ما بعد سجل حضوره
جاه وقت الشيب ويدينه خليه
الضعيف اللي روابعه معثوره
المراجل في حياته هامشيه
اه يا وقتن تمادا في دبوره
صار وكر الحر تالفه الحديه
لو على وجه الردي مطبوع صوره
كان عرفك يالردي مشكل عليه