سلامة طويل العمر

عسى الله يبشركم يا منسوبي الديوان
يوم اعلنتوا بشارة نجاح العملية
نشرتوا الطمأنينة وبددتوا الاحزان
سلامة طويل العمر ماهيب عاديه
ترى صحته صحة شعوب وسلام أوطان
وآمال وطموحات من أول خياليه
مشاعر شعوب العالم بقومته تزدان
لكن صعبة اوصف شعور السعوديه
لو انه تأخر عن حراويّه الاعلان
قطعنا الفيافي حتى لو كان رجليه
لين الشوق يجمعنا سوى عند خشم العان
كذا صادق الحب وكذا صافي النيه
عظيم الثنا والحمد والشكر والعرفان
لرب شفاه اضفاه واغدق حسانيه
يابو متعب انت العطف واللطف والاحسان
وانت الهيبه اللي ملك ماهيب عاريه
وانت العز كله فوق شان البشر لك شان
بعد الرسل واللي خصّه الله بقدسيه
نوادر ملوك الارض ماهي بكل ازمان
لكنك حداهم بالفعول الحقيقيه
سلمت وسلم ولي عهد الوطن سلمان
قادات لنا رغم الزمان وبلاويه
وحنا فداكم كان غيب الليالي شان
من دون الوطن وولاة أموره فداويه
هذي هي مبادينا على سيرة الجدان
ثوابت ما تخلفها الظروف الحياتيه
لاباس وطهور وبكره نجيك في الديوان
نهنيك وانت بخير بعد العمليه
الشاعر: حسين العبدي