سناء الدنيا

أحبك ياسناء الدنيا احبك يالغلا لدهور
أحبك والبلاء مجبر وكيفك لاتحبيني
أنا من روحتك عني لاني طيّب ولامسرور
أحاول اصنع البسمه ياخوف اعداي تطريني
دخلت الحب واثر الحب دهاليزه بليّا نور
وانا من قبل ما اعرفك اثار الهم ناسيني
حبيبي ارفق بحالي ترى حزني عليّا سور
أحاول للهرب ما اقدر مدام اشوفك بعيني
حاولت اسلى عن الذكرى ولكن ردني عاثور
هموم الكون من غبتي حياتي دوم تلفيني
أنا والقلب في غربه وغيري يالوله مسرور
ياكيف الحظ من بعدك تباعد ما يدانيني
ركبت الموج في بحرك حبيبي منّجم وادور
وانا مااستانس بدونك مدام البعد يكويني
حبيبي ارفق بحالي حبيبي ماكفاك غرور
ياكيف ارتاح من دونك حبيبي لاتخليني
الشاعر : عبدالكريم إبراهيم بن خزيّم- البكيرية