لج الوطن

رحيل نايف يدمي القلب والعين
من ذاق حر أفراقه الله يعينه
على وزير الأمن ذخر الميامين
ما فيه مسلم ما ذرف دمع عينه
لج الوطن لفراق طلق الحجاجين
وجميع سكانه مدينه مدينه
الله يصبر قائده قولوا :آمين
والشعب يلهمه الصبر والسكينه
ويغفر ذنوبه يوم نصب الموازين
ويجبر عزا كل القلوب الحزينه
نايف الأمن واسمه شموخ وعناوين
الأمن باسمه حافلاتٍ سنينه
فقيد موطن نصرة الحق والدّين
مدي حقوق الله وحقوق دّينه
نادر مواقف والفعايل براهين
مشهود له بالمجد من حين حينه
عضيد عبدالله على العسر واللين
وما خاب من مثله سنده وعوين
لا قيل نايف قالوا الناس: نعمين
الرأي صائب والمواقف ثمينه
مركزه الأول في جميع الميادين
صمام الأمن المستقيم وعرينه
صنع القرار بحنكته له مضامين
فذٍ عطا وأخلص بنفسٍ أمينه
ونبراس تاريخ البواسل الأمينين
سطره ابن عبد العزيز بيمنه
رجال الأمن بسيرته مستمرين
أمن الوطن وأهل الوطن حافظينه
في كل شبرٍ في بلاد الحرمين
عهد الولاء الأبطال متوارثينه
فتاة نجد