هذه المحاورة بين الشاعرين فلاح القرقاح وضيدان بن قضعان ضمن الامسية التي اقامها الامير فيصل بن خالد لشعراء الرد: فلاح: يالامير اسمح لي ابا آخذ مع ضيدان قاله طالبك يا سيدي لاحد يجي بينه وبيني اشرب الفنجال يا ضيدان واكب البياله طيب يا صاحبي واحب سلم الطيبيني ضيدان: بالنيابه عن الامير اللي ترى حنا خواله مرحبا لو ما تسلم يا عشير الغانميني يالعبيدي لا لقيت الهاجري واقف لحاله صح لبن شايق وانا ربي على الدنيا عويني فلاح: بارك الله بالامير اللي يظللكم ظلاله وانتم اللي صيتكم بين القمر والفرقديني والله ان الهاجري بالضيق درع ينعنى له سد دينك يا ولد قضعان وانا اسد ديني ضيدان: يابن ريفه لا تعدى الحد والدعوى سهاله لد بابن مشيط لا تشبح يسار ولا يميني والله انا ما وقفنا الا ندور للجماله ميرلا تاقف على درب الثلاثه والثنيني فلاح: والله ان ماني لابن مرة مجود بالكفاله والامارات العربية على راسي وعيني التفت لي والتفت ولا بلاش من الزماله ما تمشيها علي وانا ابن مفلح مرتيني ضيدان: يا كثر ربعك بذيك الدار يا راع الخياله ميرانا مسلم وربعي كلبوهم مسلمين اعترفت بالاوله والثانيه مالك محاله احتملها في ظلال الحلف والقاسي يليني فلاح: انت يم اقصى الديار اشفق من وليد الغزاله انتبه لا يخرج الموضوع كله من يديني
