المشاوير

والاَّ الكلام اللي اقوله لحالي
والا سمعته انت من دون تدبير
اعنيك ياللي امس كنه صفالي
بعض الحكى ياخوك يحتاج توفير
انا تعبت وواقفٍ لك ظلالي
دامي رفيقك كيف تحتاج تفسير
لاصرت خابر نيتي وانفعالي
لا ماتجي من وجه ذيك التعابير
في فال وجهك كيف ماطاب فالي
ابي اطير لفوق.. تدري فلا آطير
المشكلة لو طرت بتظل غالي
ترى الكلام ان زاد مافيه تقدير
بسكت ولامن شي ماشي جالي
ما هي سوالف علم واخلاق تنظير
احداث والاحداث عمرٍ مضالي
عمرٍ مضى مابين رتمٍ وتغيير
واشوف كلٍ مر وجهه خلالي
كني فراغ وجاه للحزن تصوير
يعكس ملامح ضيم زواد احتمالي
هذي هو اجيسي على كف تعبير
تبقى خساره لوحلالي حلالي
وان طحت فاقدامي على شف تخدير
مره ورى مره تصير تهنالي
يمكن يكون القلب في طور تطوير
يقسى او ان الارض ماهي مجالي
اروح كوكب غير دام البشر غير
واندم على اللي بالمحبة وفالي
ياذا ويا هذا ترى فرقها كبير
تفرق مع اللي مد ثم انطوالي
هذي بها شرٍ وهذي بها خير
الها عليها لف ثم استمالي
قلت اعتبر ما صار ياصاح تنفير
ماراح وما بقالي بقالي
منصور البطي