الأمل ما غاب

فهارس مكتبي يا صاحبي والطاوله والباب
تحن وتشتكيلي وتلفت ما تلاقيني
لو أني بينها جالس ولكني جسد وأثياب
أوسد خدي أيساري ووسد خدي أيميني
تعبت وتعبت أشيائي ولكن الأمل ما غاب
لو أنك حلم ليلٍ ما قدرت أسجنه في عيني
وأنا اللي لي لمحتك طيف أبا أحيابك أمل وأعجاب
لذا لا تجترف فيني الذنوب ولا تخليني
أبا أعيشك هواء وأستنشقك ريح أجمل الأطياب
عشان أشهق بنفاسي وأكنك في شراييني
الا يا روعة أبياتي ليامن الشعر أنساب
يكفيك أنك أجمل ما كتبته في عناويني
أحبك أيه أحبك لو غديت أمن الزمن منصاب
يكفيني وجودك به وينعشني ويحييني
أبا أقطف وردتين بفيت عيونك تحت لهداب
وأبا أشعل جمرتينك لين تزهقّني وتكويني
أبا فلك شعر وأسرحك غروٍ عشق وأرتاب
طواه الليل وأتعبه السهر وأشقاه غاليني
من أغصون الغلا يا صاحبي طارت جموع أسراب
وحمامتك الوحيده باقيه عندي تسليني
ولكنها تنوح وكنَها فيني تغط أحراب
طلبتك قلها لي غبت عني ما تعنيني
مانع الوايلي