نسناس الهوى

يشوّق عيوني واشهب القاع ربانه
ليا هب نسناس الهوا في ربابه راح
مراويح جولٍ لاعب النود جنحانه
تهل المزون سبولها والمطر لا ساح
تقول إنها لمعانق الخد شفقانه
تسابق بردها مع مطرها على صحصاح
بدارٍ خلا ماضمها السيل ضميانه
تكسر بها سكر نباتي لهل وطاح
تبختر على صلت الحجر حب رمانه
على قرن شمس عصير من نورها الوضاح
لا داعب شعاع الشمس شيحه وحوذانه
منى خاطرٍ لا شان وجه الزمن وجتاح
لا سجيت رجلي بين عشبه ووديانه
ولا شبيت ناري تحت دوحه وتحت الصاح
يسابق سناء عود السمر عج دخانه
علاجٍ لقلب من البهاذيل لبس وشاح
لقلنا هدا قلب العناء ثار بركانه
انا كل ما هملجت وإلا بغيت ارتاح
تقادح بجوفي ضرب مروه وصوانه
يولّع شراره نار لو العروق شحاح
على دم قلبٍ غالين نبض شريانه
على الله على الله والبحر علّم السباح
ليا غاص ما يزعل على فقد مرجانه
تدور الليالي والمخاسير بالأرواح
بعد طاعة الله روح جسمه وروحانه
لو ان الغنيمه قفل مبهم بلا مفتاح
تعبنا ما بين شطوب سوره بيبانه
بدر مروي الشاطري