حلول اللغز

نشرنا في عدد الاسبوع ما قبل الماضي لغزاً كتبه القارئ فهيد بن عبدالله أبا الخيل من بلدة دخنة بمنطقة القصيم وكان نصه:
انشدك عن رجل سكن بين بنتين
وحده خذا منها.. ووحده عطاها
والعالم بفعل اسود الوجه راضين
ولو ما فعل هالفعل ما ادرك رضاها
وقد جاءتنا عشرات الحلول بين الصحيح وغير الصحيح أو الذي لم تكتمل فيه شروط النشر.
وبعد الفرز أصبحت الحلول الصحيحة كما يلي:
هات القلم واكتب على السطر بيتين
يعجب بها القاري الى من قراها
وحطوا لي.. الكربون.. من بين ثنتين
الصفحة الاولى.. وصفحة وراها
ابو هاني السعدي المدينة المنورة
سلام مني للرجال الفهيمين
واللي الى شاف الضريبة رماها
اللغز واضح ما يبي له عناوين
«كربون» بين الصفحتين ينباهي
فريح سالم الحربي الرياض
سلام لك يا فهيد من خاطر زين
ياللي بيوتك عالي مستواها
لغزك هو «الكربون» ما هوب تخمين
حقيقة كل النواظر تراها
فلاح محمد الجميلي دخنه
حنا على الجزله لك الله حريصين
والا الهزيلة ما نطارد وراها
لغزك هو الكربون ما هوب تخمين
يقوله اللي لابغاها لقاها
ناصر المسيميري الرس
حيا الله اهل العرف والمنطق الزين
ما لاح برق المزنه وهل ماها
يا فهيد للكربون ذا الحين لونين
والا الجزيرة ما تغير غلاها
الايمن الزلفي
يا للي عسرت اللغز للغز قارين
نعرف حلوله لو عسرت معناها
كربون بين اوراق بيض مزايين
ياخذ من اللي فوق للي وراها
سعد بن دغيش العتيبي الرياض
بين العدل والحق ترضى الموازين
وعلى المظامي هالسحايب تباها
يا فهيد لو الحق واضح للاثنين
صورة من الكربون كل قراها
محمد عبدالكريم الغزي الزلفي
يا فهيد حل اللغز من يوم الاثنين
انا كتبته للجزيرة وجاها
الرجل كربون سكن بين بنتين
بنت شرب منها وبنت سقاها
سعد صنهات السهلي الدرعية
ياللي تنشّد دونك الحل هالحين
نعطيك حله قبل تكمل قراها
ترى الرجل كربون والناس دارين
واللي بغى صورة ركض واشتراها
راضي بن فهد الراضي قصيباء
يامرحبا بفهيد ستة ملايين
واهل الجزيرة دام ربي بقاها
اللغز حله يا ولد وسط بيتين
هذاك كربون الورق في ذراها
ناصر بن سعد بن دغيم السهلي الحفنة
اللغز واضح ما يبي له عناوين
مثل القمر لا من تعلا سماها
هذا الكربون اما البنات الورقتين
الثانية من خط الأولى ملاها
مشواح ثامر الشمري
يا مرحبا بك عد نبت البساتين
في صفحة يا فهيد يكبر غلالها
واللغز واضح ما يبي زود بيتين
«كربون» والحجة بحثنا خفاها
عطا الله بن سليمان العطا الله الزلفي
ياللي نشرت وصغت لغزك ببيتين
يا مرحبا من قاعها لا سماها
وحله هو الكربون من دون تخمين
ياخذ من الصفحة والأخرى ملاها
محمد بن حمد البدر الزلفي
يا مرحبا يا راعي اللغز واهلين
اعداد ماهبت وذعذع هواها
والحل كربون الورق يا مضانين
بين الورق يطبع على اللي وراها
سعود جازي الحربي الرياض
يا مرحبا ترحيبة بالعزيزين
واهل الوفاء والطيب منا رضاها
هذا هو الكربون من دون تخمين
يطبع على الاوراق ما به سواها
محمد بن عبدالعزيز الخنيفر اشيقر
بين الرجا والياس مبطي وهالحين
تكبر بعيني شرهتي واعصاها
تكتب.. وأنا أكتب علمها بين قوسين
لو عقبي (الكربون) عكر صفاها