البقاء لله والطيب فقيده...

إن ما في داخلنا من شعور حزين وأسىً عميق لهو أكبر.. وأعمق من كل التعابير والكلمات والأشعار ، التي نعبر بها عن حزننا تجاه مصاب جلل .. رحم الله الأمير فهد بن سلمان بن عبدالعزيز وأسكنه فسيح جناته إنه غفور رحيم .
من صدوق احساس ما جوب القصيده
الفجيعة والفقيدة يندري به
نشهد ان الموت ماخذلة وليده
والحزن في المملكة مظلم سحابه
والتعازي في الإذاعة والجريده
والوفود جموع للسيف ونصابه
لسيدي سلمان والنادر حفيده
مقدم الحكام حضّر من غيابه
يا عساه يدوم وسنينه مديده
والعضود فهود والعزوة مهابه
والبقا لله والطيّب فقيده
فهد بن سلمان والله واسفابه
فهد بن سلمان والسيره حميده
باذل المعروف من طلعة شبابه
كاسبٍ الطيب فالدنيا رصيده
والوفاء والخير من طيبه حظى به
والسخا والجود يجري في وريده
ما تحوش يديه للعالم زهابه
منفق صراف لأموالٍ مديده
لا حشا ما هوب من رزقه هبابه
وحزة الضيقات وقفاته عديده
فزعة المضهود لامنه لجابه
ملتجى منهو لجابه فالمكيده
فيصليٍ يبهج الخاطر جوابه
وفارقٍ فالطيب نظراته بعيده
عشقته للطيب ما فيها تشابه
والخصال الطيّبة عنده عقيده
والتواضع والبشاشة والحبابه
والتسامح والمواقيف الفريده
والشهامة والكرامة والصلابه
يا عسى نفسه اذا بعثت شهيده
في جنان الخلد بجوار الصحابه
يا مجيب لمن دعاله من عبيده
جعل دعوة من دعاله مستجابه