فى مقدمك فرحين

فرحة رؤوم غاب عنها ولدها
يا مرحبا بك يا بيض الوجه خمسين
مليون مرة عارفين عددها
والنائب الماجد به الناس جذلين
يا مرحبا يا درعها يا سندها
نسل الفهود الصامدين الميامين
من شقة القرنين توحي عددها
نسل لا أبوتركي على العسر واللين
مؤسس الدولة وباني عمدها
له سنة ما جربوها السلاطين
إلى بغى حل المشاكل وجدها
في سنة الهادي وخير البراهين
يا ربها يا غوثها يا صمدها
وزرع بلاد الخير ورد ورياحين
وأمن ورد أسيوفها في غمدها
واشبع ضورايع قوايا مساكين
وعلم جهاهيل تزايد عندها
من عقبه أنجاله كرام قويين
متمسكين بسنة العود يدها
أنتم هل العوجا كعام المعادين
لا خالط غبار المعارك بردها
وانتم حجا للخائفين الذليلين
الذئب حالم والبهائم وحدها
وانتم ذرا للبائسين المقلين
وأنتم أدوا عين طواها رمدها
تريحيب بن هليل الحربي
********
هذه قصيدة ترحيبية بمناسبة زيارة صاحب السمو الملكي أمير منطقة القصيم الأمير فيصل بن بندر بن عبدالعزيز وسمو نائبه صاحب السمو الملكي الأمير عبدالعزيز بن ماجد بن عبدالعزيز حفظهما الله لمركز بلدة مسكة
سلام الله على اللي حاكمين وللعدل مقدام
نحيي بالأمير ونائبه مع صحبه الكرام
تغنا يا بلد مسكة وطير العز فوقك حام
هذا أمير القصيم ونائبه بالحفل من قدام
ويعيش الحاكم اللي للبلد درع وذرا واحزام
يعيش لنا المليك موجه الغارة على صدام
يحسب أن المعارك بالإذاعة خطبة واعلام
ويعيش لنا أبو متعب غيث شعب وللحريب اكعام
هجدهم في هجاداً يشمل الواعين والنيام
على اللي يسبقن الصوت ما يحتاج للكمام
وحدود ا لمملكة حامينها بالسيف والأقدام
ما جتله بالتمني والأماني ليلة الأحلام
وتعيش من التطور ما يفوق الوقت والأقلام
حكومتنا الرشيدة والله الرحمن هاديها
بلد مسكة يحييك وريسها وأهاليها
حضر فيك السعود اللي ترى وجه السعد فيها
صواريم الحرار اللي عريباتاً مجانيها
فهدنا اللي سبع كل السباع وضر طاغيها
حمى دار الكويت ورجع السلطة لراعيها
شبكه الشبكه اللي طول عمره باقياً فيها
وأبو خالد ليامن العداء بانت مساعيها
مثل ما صار حفار الخنادق معذراً فيها
صبح ضرباتنا دار العدو تحرق نواديها
مشا عبدالعزيز بخدها وأرسى مبانيها
أكود يشيل روس ظالمه وقلوب يحميها
حمانا الله من الأحداث والأشرار يفنيها
مقدمها الشاعر/ خالد بن صالح الحباج العازمي