دايم لأبو خالد مواقف جليلة

للأمير سلطان بن عبدالعزيز مواقف انسانية عظيمة يصعب حصرها.
والشاعر ضامن بن عبيد العنزي يتحدث عن جانب من مواقف سموه النبيلة حديث العارف اذ يقول في هذه المقطوعة المعبرة:
سلام يا شيال حل الثقيله
للطيب والامجاد في راس قمه
سلطان غيث كل الامه تخيله
من امحلت دارة لقا الخير يمه
ما كف هطا له نهاره وليله
ينصاه من ثقلت عليه المهمة
راع الحساني والعطايا الجزيله
عسى جنان الخلد لابوه وامه
وياقاه رب كلنا نلتجي له
ونطلب له التوفيق في كل يمه
سلطان يفرج هم من يلتجي له
يا عز والله من تلفت يمه
في ضحكته وجه المطر والمخيله
كل يخيل المزنه المدلهمه
غيث ليا منه سقى ارض محيله
يحيى الثرى ريح المطر من يشمه
في كل ما طا رجل يغرس فسيله
وكل الوطن باخلاصه الخير عمه
دايم لبو خالد مواقف جليله
واكبر مصيبه حدها راس كمه
رايه يحل المعضل المستحيله
كله نظر ما يلحق الشوف جمه
دليل من ضيع زمانه دليله
ونوماس من كبرت عليه المطمه
عمي ذرى المحتاج عن كل ميله
لاحدته سود الليالي يضمه
عمي ليا ضاقت عليه واجي له
يفرج هموم كايدات ملمه
عمي ليا من الدهر زاد شيله
علي وانت النور بالمدلهمه
عمي وابوي وعزوتي والقبيله
هو راس مالي عز من كان عمه