رطب حب

على طاري غلاتك .. والقصيد وسالفة موال
تلبّس طفلتي .. عالم من .. أجواء الفرح مسروق
ذبل حزن الشعر فيها وطير الحب صال وجال
وسط عوج المحاني وانتشى فيها رذاذ الشوق
هلا يا اطهر من الغيمة .. هلا يا..بسمة الأطفال
على شرفات صبح العيد والدنيا مطر وشروق
هلا بك كثر ما أرهقني جنون الحرف والترحال
من غْصون الحزن .. لين يْحضن زفراتها مخنوق
فديتك طالبك لا عاد تنشد كيف صار الحال
ولكن حط طيفي في يدينك واحضنه برفوق
وشف كيف يتساقط في يدك من لمستك رجال
رطب حب ومشاعر واحتفاء بصورتك في الموق
وإذا قصدك سوالف ضيق صارت للعيون ضلال
وشعر ٍ يزهر إبداع وجنون ودفتره مخنوق
ترى هذي مجرد ذكريات تعانق الأطلال
ضحايا لاندفاعية رجل قلبه طفل مطفوق
قتلها حبك وغيّر ملامح عالمي همّال
تناثر من ضلوعك .. وانتشى فيني مطر وبروق
جمعت من الحشى رمل وبذرت من الحنين آمال
سقاها داعي عيونك محبه وأينعت مخلوق
وهالطفلة وسط صدري لبسها من الفرح زلزال
و هزت لك معاليق القصايد وارتوتك عروق