الأول

لا أنت الأول ولاني أول من خسر غالي
يا كثرهم مروا على بالي وراحوا مقفين
ان كان حسابك ما جاب خبر أول التالي
لا عاد تامنه وتظنه يجيبلك واحد الاثنين
لا صار زمانك من هموم الليالي خالي
لا عاد تشره على الأيام وتلوم الوقتين
لمع السراب في عيون مشتاق دوم متحالي
وشهده الحالي مستحيل ينسيك مر الأمرين
شوف الوقت اشلون علقمه مايصير حالي
يا حلاوة صفوة صافيه لو غدى بين شطين
موجه العالي يا ما خذاني وطال منه غربالي
والشوق ما يحده احساس ولا تكتبه دمعتين
ولا تثور سود الليالي نجوم ولا رسمه هلالي
ولا يسلي المشتاق آخر الليل صدى كلمتين
شيبت بالي هواجيس نار تشتعل اشتعالي
جنيت عنها خوف احترق من ذكرى غالين
تكفى يا حطب هواجيسي خلني في حالي
لا تكشف المستور هل الدمع ما عاد يسلين
ون جاك مندوبي تعذر منه وبه لا تبالي
تراه مجبور حده برد الجفا على جمرتين
جمرة انتظار من قفا عنه وراح سالي
وجمرة ذكرى تهل عليه والعرب ممسين
يجرب ونات الولع ويزيد فيها لاجا مجالي
يلوم عيونه الساهرة علامك ليه تبكين
ليت غاليك شاف دمعك اللي يهمل اهمالي
قصة عذاب طويلة فصولها بين حرفين.