ميت فيك

ودّي أشيل هموم قلبك بدالك
ومن دفى قلبي أشيلك وادفيك
إن ما شربتْ الحب مني بوصالك
يهل وصلي واطوي الأرض واجيك
واهمّ لِك واشربك لاعذب زلالك
رشفة ورشفه تحلي الريق وشفيك!
واسوق لك عمر ملكته لحالك
ساعاته وسنينه على راحة ايديك
واذوب في دمِّك وصافي خصالك
همسك ولمسك.. رعشة شفاك وعنيك
واموت في ظلمك واقسى عدالك
حتى جروحك جبر لمتون غاليك
ما قلتلك.. ضلوع صدري فدالك
اسكن خفوقي واكسر الضلع بيديك
اربع سنين ٍفي شعوري حيالك
شيٍّ يشلّْ القلب وهو ميتٍ فيك
أتبع خطاك وصرت أنا اتبع ظلالك
بسكات دمي في عروقك يسليك
وودي أجيك اليوم واقف شمالك
أدري تبيني بس أبي ضمة ايديك