ثياب "جداد"

تعال اقعد تعال اسمع حبيبي آخر الأخبار
تعال اقعد تعال اسمع انا مليت حسراتي
أنا من يوم خليتك وقلبي منكوي بالنار
أشوفك بالوفاء صادق رافع بالحب راياتي
أبتألم... أبتعذب ويبكي لك على ما صار
وأقول آسف وسامحني بصحح كل غلطاتي
أنا الخسران خليتك نسيت إن الزمن دوار
نسيت إنه يجيني يوم وارجع لك بحسراتي
بدونك ما هنيت بيوم أحس إني غريب الدار
أحس إني بلا صحبة... حزينة كانت أوقاتي
أرد أقر مراسيلك ألين أرحل مع التذكار
أهيم بماضيا وياك ألقى فيه راحاتي
حشا ما أذكر عليّ أخطيت ومنت وكنت أنا الغدار
وشفني بالندم جيتك... ولك صفيت نياتي
رجيتك يا بعد عمري قبل دار الغلا ينهار
رجيتك لا يضيع الوقت تغفر كل زلاتي
أبي فرصة أخيرة بس لا تقبل بعدها أعذار
وشفني في ثياب جداد غير ثياب كذياتي
على كيفك عليّ احكم رضيت بجنتك والنار
مدام اني معاك أعيش ما أحسبها خساراتي
يمين الله ما أخليك حبيبي واصل المشوار
يمين الله ما أخونك وانت احلى ملذاتي
جديد العشق في قلبي أكيد وما عليه غبار
ولا ظنيت في لحظة أغير فيك نظراتي
خطاي كبير في حقك يا ليتك تقبل الأعذار
أو جفاني وصد بعيد وخط أتعس نهاياتي
راشد الدوسري