زمان الشعر

أحب أقرا ملامح من يمر البال طاريهم
أحب أهدهد بحزني عليهم
مفاتيح الخيال بوسط بالي
مهي ف بالي
ولكني قريت أشيا...
أبد ما هي لهم
لكنّها فيهم
أنا أول من حفر قبره ومات ظنون
أنا آخر من دفن صبره حياة سْجون
أنا الحر بزمان الحبس والمديون
تسلّفت الوفا من طيب أبوي وميلة عقاله
وفيت وغيري يخونون
قبل كم يوم
كنت أركض بشارع
وكانوا الناس بس عيون
سواد وما لمحت إلاّ القمر .. فارع
قعدت وشفتهم يمشون
ولما قمت أكمل ركض
قالوا :شوفوا المجنون
أخوي اللي أشوف بعينه أطباعي
سألني وقال:
ياخي ليه ما تطلع مثل هالناس
لقاء... وأمسية ... وأشيا بدون احساس
وقلت: إسمع وأنا خيّك
بما إني عوض نفاع
قسم بالله ما أرضى عليك
تكون في مجلس
وأطلع لك من التلفاز
وتنزّل من حياك الراس
أنا ماني أراجوز المنابر
يا خيِّي لا يغرّك من تشوفه
رجال اليوم منظر مو مخابر
وكلٍ ربنا يعلم ظروفه
دخلت الأمسية للشيخ جابر
وطلعت وما لقيت أحد بوصوفه
زمان الشعر
بدري يا زمان الشعر
فتنة تغري المُستشعر الفارغ
يحس إنه يساوم بالفضا نجمة
ويرفع سعر!