توهان

تتوه بهالشوارع لهفتي والقاك
تقديها دروب تجيك تدعيني
انا باسألك وشهي لهفتي لولاك
سوا مرسال تايه بينك وبيني
تهب الريح وشراع الوله ولاك
وانا من وين ما وليتك اجيني
تنام الشمس ليلة امس في منفاك
وتنفيني... واتمتم ليه تنفيني
دخيلك لا تتوهني فديت أخطاك
إذا ماهي خطاي اخطاك ماابغيني
تعلمت اسبقك من اجل ما استناك
ورحت لموت عينك قبل يمديني
تعبت اجادل احروفي عسا تنساك
وعلمتي خفوقي كيف تنسيني
والى مني تعبتك كثر ما أهواك
لقيتك فوق حرف الشوق تقريني
تفارق بس ما تدري تعب فرقاك
والى مني يأستك جيت تغويني
اتوه بهاالشوارع لا بغيت القاك
واخاف اني اتوهك ما تلاقيني