الليل واغيومه

بحور الحب تجمعنا قضايا الحب واحلومه
ففيها نلتقي ونسعد بجوف اوقات محسوبه
مثل من للبحر سامح لا يقدر على عومه
وفي اعماق البحر غايص ولا يشرب من عذوبه
يفيض احساسي الثاير مشاعر عشق مكتومه
أحيي العشق والحونه واحب الحب وادروبه
تعبت اطارد آمالي وقلبي كثرت همومه
ولكن للأمل شمعه شروق اليوم وغروبه
يعانق صوتك الدافي وحوش الليل واغيومه
ويلمع نجمك الساطع سما عشاق محبوبه
زماني ضايع بدونك ونفسي فيك مغرومه
وطال الدهر ياشوقي وانا عايش بغيبوبه
فلا يانور نور لي دروب اوهام معتومه
فلا تشكي ابد فابكي حياتي كلها العوبه
وانا والله ما بعتب لراعي الحب مألومه
يذوق المر والعلقم حرارة جمر ملهوبه
الأ ياشوق خبرني طريق الحب مردومه؟
لها جمهور تحييها لها أيام مكروبه؟
بعد يا شوق خبرني قضايا الحب مشؤومه؟
لها مخرج لها منبع لها صرعات مرهوبه؟
بعد يا شوق خبرني هل العشاق مظلومه؟
لها حاكم يجمعها ويرمي فوقها ثوبه؟
وهل يا شوق من يعشق حقوق العشق مهضومه؟
على طول المدى تبقى فنون الحب مرعوبه