خاطر الذكرى

يحل بخاطر الذكرى سوالف عشق تنعاني
يجيبني ظلمها الطاغي يبي قلبي يمررها
وأجاوب جرحي الثاير طلبتك ليه! تنخاني
جروح الحب ماتبرى من أولها لآخرها
سواد الليل به منثور على كتوفه تحداني
ظلام بكحلها يذبح مادام يسر منظرها
طريق الهجر هو دربي ولكن وين ودّاني!
يظل الزين له عالم عثا بالروح خدرها
ألا يا قلبي المكلوم شكى همي على احزاني
يعزي موتت الطيبه مسح دمعة محاجرها
لو اسأل خاطر اللوعه علام الزين جافاني
يجاوب رمشها الفتان يقول الحور خابرها
رسمت أحزان باللوحه لقيت الشيب غطاني
يقول الولف لويدفن بقى حي بمقابرها
تضيق الدار من راحت واساهر سهمها الجاني
وبنات الفكر لو تهدى غصب عني أسفّرها
تطالع حالت العاشق تقول الراس تعباني
ترى العاشق قليل اللي همومه من يفسرها
عبدالكريم بن ابراهيم بن خزيّم