ياجعل منزاله بمنزال الأبرار

الشاعرعبدالله فراج الشهري يرثي فقيد ساحة المحاورة الشاعر فيصل الرياحي الذي انتقل الى جوار ربه مؤخرا من خلال هذه القصيدة حيث يقول:
سته محرم فيه علمٍ ماهو سار=ومنه دموع العين عيت تجفي
وفاة رجل صاغ جزلات الاشعار=ولف المراجل وسط يمناه لفي
بكتب بيوت الشعر والفكر محتار=واصوغ معناها على غير شفي
قلبي من الصدمة شعل داخله نار=وراسي من اللي صار تسنده كفي
فجعة كبيرة من مقادير الاقدار=وصفتها لكن علت فوق وصفي
الله يجبر صبركم يااهل الدار=ويحسن عزانا كلمة ماتكفي
هذي خساره شامله كل الاقطار=وحزن على كل الخلايق يزفي
ياجعل قبره روضة كلها ازهار=ونعايم من كل خير تلفي
وياجعل منزاله بمنزال الابرار=في جنة الفردوس مع خير صفي
والموت مامور على قصف الاعمار=باب ومعه الناس عنا تقفي
ما مات من بعده رجال لهم كار=ومامات من خلف رجال توفي
وصلاة ربي عد هتان الامطار=وعداد مايرمش مع الحزن رفي