كيف جيتي..؟

كيف جيتي..؟ من سبات الليل؟ ولا من تنفاس المشاعر..؟
كيف جيتي....؟
من خيوط الصبح ...؟ من عطر الزهور النرجسية...؟ نفسي أعرف ،،،
كيف جيتي.
انتي نامي ،،، وإن صحيتي ..
افتحي هذي الرساله واحفظيها
وقلّبي ما بين سطر وبين سطر وعطريها
وافتحي يدك اليمين وقبليها
واذكريني... !! اذكريني مثل ما يذكر تراب الأرض ناسه
لابتسم شباكك الوردي لثغرك ثم باسه
آآآه منّك وآآآآآآآآآه من ثورة شعوري
كل ماجاء موعدك وأنكر حضوري
أشعر إني في ثرى الأرض أنزرع محتاج غيمه
من عطش....من حب....من أشياء قديمه
وصدقيني هالشعور اللي بقلبي ما فتحته من زمان
غير عندك ،، يوم جيتي وانشرح صدر المكان
يوم كان ،،، ويوم كان ،،، ويوم كان
يوم حسيت إن هذا الكون كله في يدي
كنت أعلمك النجوم ،،،، من الجدي حتى الجدي
واتلمس هاليدين المخمليّة ،،، وأمسح الخد الندي
وآآآتسائل وأسألك ،،، لو تحرك في شعورك شئ واحد!!!
افتحي هذي الرساله واحفظيها
وقلّبي ما بين سطر وبين سطر وعطريها
وافتحي يدك الشمال وقبليها
واجمعي الكفين ثم مدّي يديك
لأجل أقرّب منّك أكثّر وأحتويك
وأرجع أكتب وأسألك......من أنا؟؟؟
من أنا بالنسبة لك...؟