من قصيدة طويلة أبدعها حديثا الشاعر المميز ناصر مصلح الاحمدي وضمنها عدة نصائح بالغة الاهمية وخص بها (ملامح صبح) نقتطف لكم هذه المقطوعة التي جاءت على النحو التالي حيث يقول: يانفس توبي قبل الاقدار تنهيك=مالك عن المكتوب منهج وحيله حكم القدر لا جاك ماظن يخطيك=إمّا يجيك اليوم ولآّ تجيله ومن يآمن الدنيا بيلقى الهواليك=وان طالت أيّامه تراها قليله والصبر مفتاح الهموم الدواليك=وبلسم جروح المعضلات الثقيله خلّ الفضايل مع سواها تداويك=وكلٍ بعد دنياه يجني حصيله ولاتشتكي لنّاس تمسي وتشقيك=وشكوى لغير الله تراها ذليله وارقى سنود واعتلي في هقاويك=وابعد جنابك عن دروب الرذيله وحافظ على دينك ترى الدين يحميك=تكسب رضا ربك وتجني الفضيله وصنايع المعروف من الشر تنجيك=تحفظك باذن الله وعمرك تطيله وبر الأبو والأم ربك يجازيك=جنّات عدنٍ في رياضٍ ضليله واغنم زمانك لاصفت لك لياليك=واشكر بها الرحمن تبقى عليله سود الليالي عسرها من جنى ايديك=وكلٍ بصاعه من ذنوبه يكيله لا تطاوع ابليسك على السوء يغويك=ومن طاوع الشيطان يصبح عميله
