بدء تطبيق قرار قصر العمل على المرأة السعودية في محال بيع المستلزمات النسائية الداخلية الخميس القادم

أعلنت وزارة العمل عن البدء في تطبيق قرار قصر العمل على المرأة السعودية في محال بيع المستلزمات النسائية اعتباراً من يوم الخميس القادم وذلك بالمحلات المتخصصة في الملابس النسائية الداخلية.
وأوضحت أنه سيتم القيام بحملات تفتيشية من أجل تقييم الوضع، ومراقبة تنفيذ القرار على أرض الواقع،مشيرة إلى أن الحملات ستشمل جميع المحلات المتخصصة في بيع الملابس النسائية الداخلية.
وبينت الوزارة أن القرار يأتي تنفيذاً للأمر الملكي القاضي بقصر العمل في محلات بيع المستلزمات النسائية على المرأة السعودية،وتكليف وزارة العمل باتخاذ الإجراءات اللازمة لتنفيذ هذا الأمر الكريم.
من الاهبل اللي بيوافق ان زوجته تبيع في محل ملابس نسائيه
جعلنا نشحذ فتات الخبز ولا نهين المراءه عندنا باعمال مشبوهه
قال ايش قال وظايف للنساء
هذا بدل ماتخلونها معززه ومكرمه في بيتها وتصرفون لها اعانه تساعدها علي المعيشه
تبونها تخرج تدور علي حتفها مثل بنات الغرب
هذا بالله عليكم الاصلاح مانبيه اذا هو كذا
والله العدل في وادي وانتم في وادي
ياروحي ياحاكم الامارات فديتك
اين تخفيض ساعات العمل للقطاع الخاص الى متى وحنى نتحراء التخفيض ياخي موظفين القطاع الخاص دوام 9 ساعات حتى الخميس دوام والاجازة الاسبوعية يوم واحد الجمعة ماتسوي شي نرجو من الله ثم منكم النظر بتخفيض ساعات العمل للقطاع الخاص لسعوديين او تخفيض ساعات العمل من48 الى 40 ساعة بحيث يكون ساعات العمل بالاسبوع 8 ساعات يوميا وخميس وجمعة اجازة لان الرواتب قليلة وساعات العمل كثيرة بحيث السعوديين يرغبون العمل بالقطاع الخاص نرجوا تكرمة موظفين القطاع الخاص السعوديين
الحين انتم حليتوا مشكلة وجبتوا مشكلة اكبر هالحين المحلات الملابس الداخلية مايكون بجانبها محلات ملابس خارجية والملابس الخارجية مايكون رجال يشتغل فيها وبجنبة حرمة مسكينة ضعيفة تشتغل بين هالرجال وش هالحل الي يزود الطينة بله ياما انكم تضعون مولات خاصة بالنساء مغلقة مايدخلها الا النساء والاطفال والمعروف ان الاسواق والمولات مايدخلها الا النساء من الفراغ الي عندهم ياخذون راحتهم ويقل الفساد الى 99 بالمية وبهالشكل نضملكم مية بالمية ان كل السعوديات وغير السعوديات راح يتمنون يتوضفون في هالاسواق لانهم صاروا مصانات ومحترمات ماوهو زاتهم بين الرجال وكلن يفكر وشلون يفترس هالغنيمة الوليد حط مملكة المراءة لها عشر سنوات وناجحة زي الحلاوة ليش ماتسون مثله وتفكون الناس من المفاسد الي راح يجرها هالقرار الي مااكتمل قواعدة على شان مااجعل الرجال يبيع ملابس نسائية اجيبلة حرمة بجنبة تبيع معه الحمدلله والشكر على كذا قررارات.
شركة المراعي مشروع حائل يقومون بتشغيل الموظفين السعوديين من الساعة السادسة صباح الى الساعة الخامسة مساء 11 ساعة دوام مع بريك نصف ساعة بحيث انهم يشرطون على الموظف تبي كذا دوام 11 ساعة تطلع خميس وجمة اجازة وهذا ظلم للسعوديين المتئهلين بحيث انهم يداومون من خارج الشركة مسافة لاتقل عن مئة كيلو ومسافة الطريق ساعة رايح وساعة جاي اين المسؤلين يعني الموظف هو الهلكان من ساعات العمل يعني ناصبين عليهم او دوام من الساعة السابعة صباح الى الخامسة مساء مع بريك ساعة والخميس دوام نفس ايام الاسبوع والاجازة الجمعة فقط نرجو فك الظلم عن السعوديين من الدوام الاقشر والرواتب المتدنية بالمراعي
بدايه طيبه وموفقه ان شاء الله ياوزارة العمل 0
اتمنى هذة المره يكون القرار صحيح ليست مثل قرارت الوزارة السابقة من سعودة سيارات الاجرة وغيرها من قرارت و يتم تفعيل القرار من الوزارة وعدم الرضوخ لآصحاب المحلات من الاجانب المالك الفعلي لها المستفيدون الوحيدون من عدم تفعيل القرار .حتى في عدم وجود سعوديات للعمل في هذة المحلات ليدم استبدال الجال من الهنود و البنقاليه بنساء بنقاليه هنديه فلبينية اهم شي لا يكون هناك رجال وسط الحريم يبيعون ملابس للحريم . الله يفرجها
في إحدى المولات الكبيرة في المدينة في وسط الأسبوع على آخر الدوام باليل كنت داخل أنا وزوجتي لسنتربوينت وأنا واقف عند الكاشير وإذا زوجتي تسحبني وتقول : شوف المرة ذيك ( مو عادة زوجتي تقول شوف حرمة ) وأطالع وإذا المرة جالسة على كرسي في زاوية بالمحل والعامل قريب منها ويناظر جسمها ويضحكون ضحكات غير بريئة...
( والله على ما أقول شهيد)
بالله وش ذنب هالمسكينة تزوجونها بين الذياب المتعطشة المنقطعة عن زوجاتهم؟؟؟؟
حليتوا مشكلة المشترية ووقعت البائعة في الفخ..
ليش ماتكون محلات المستلزمات الداخلية للنساء في دور خاص بالمول ما يدخله إلا النساء؟؟؟
توفير فرص أكثر + حشمة للمرأة البائعة والمشترية ...
ليش العناد ياوزارة العمل ؟؟ ليش ترفضون المقترحات هذي؟؟
أو تنفيذا لخطط تغريبية؟؟
هؤلاء يريدون الفساد في الرض و إذاكنتم حريصون على العفاف فضعوا مواقع مخصصة للنساء مغلقة عن الرجال أما أن تضعوا الرجل بحوار المرأة فهذا طلب لإشاعة الفاحشة فإذا لا بد من أن يحاكم وزير العمل لأنه من الساعين للفساد البلاد
ان شاء الله تجي وظائف للي ماعندهم شهادات ولي عنده
انا ماعندي غير الابتديه الله يوفق الجميع
ان شاءالله يدوم حافز
هناك من تنطبق عليهم جميع الشروط
من الرجال و النساء و ليس لديهم دخل و لو ريال
واحد و غير مسجلين في الضمان و الجمعيات
و يتم استبعادهم لمجرد أنهم تجاوزوا سن ( 35 ) سنة
و بإجتهاد من معاليه
النساء تحديداً يتأخرن في التعيين ، فكيف يتم استبعاد
مستحقات بكل المقاييس لمجرد السن
ماذا لو كان عمر المتقدمه أو المتقدم لحافز 36 سنة
و انطبقت عليه كل الشروط ، فهل سنة من العمر كفيلة
بأن تجعل هؤلاء المغلوبين على أمرهم يتجرعون مرارة
القهر و الغبن و المؤلم لهم أن ذلك الشرط يأتي مع قرب
صرف الإعانة .. صراحة .. لا تعليق ؟!!
ياجماعة الخير المفتي قال حرام لا يجوز انتم افهم منه في الحلال والحرام خافوا
الله يوم تبيض وجوه وتسود وجوه تقننون الحرام . لا تقولون حاجه اذا فعلا فيه حاجه
حطو لهم سوق خاص بالنساء ملحق بالسوق العام اما كذا الوضع مع العماله الحاليه
ماتخارج الشغله والله ان فيه هنود ويمنه وبنقاله الواحد منهم بتطلع منه الفسقه
حنا ماتخارجنا كذا كل يوم حكايه اجل كيف لا وصل المكوى ذنب البعير
يحضرنا لمثل الصيني . حط الكعب علي الكعب حتي يزين الملتعب
اقووول كملي نومك ياوزارة العمل افضل لك
خطوه جيده لكن يجب ابعاد البائعين عن البائعات ولا ماستفدنا شي
المحلات النسائيه في مكان والمحلات الاخرى في مكان اخر
ياجماعة المفروض يخصص نصف المحلات
خاص بالنسا بجوار بعض ويكون معزول
عن المحلات الذي يعمل بها رجال
هذا هو الحل
سبحان الله
لا كذه يعجب ولا كذه يعجب
ما تبون المرأة تعمل في محلات الملابس النسائية
ولا تبون الرجل يبيع الملابس النسائية
ايش تبون انتم بالضبط
ايش رأيكم نخترع لكم مكينة فيدينغ ماشين
تحط الفلوس وتختار الملابس اللي تبي
صرنا مضحكة للناس
وزيرالعمل اومر مراح تتنفذ لانك قلت قرارت ومحد نفذهاوعرفو انك معندك شي وبعدين كيف تبي البنات مع الاجنب يعملون والله اشك فيك انا
انا مرأه سعوديه ابآ عن جد والله ماأبيع ملابس لو ع فراش الموووووت
الله ياهم بيولعون اخوننا اليمنه من هذا القرار فهم متواجدين في السوق وبقوه غير طبيعيه والمشكله ان معظمهم علئ فيز راعي مواشي ومزارع ووزارة التجاره والجوزات نايمين في العسل والحمد لله ان هذا القرار سوف ينفذ وتحصل بناتنا علئ عمل وقد يشترون الدجكاكين ون الاجانب ونكون ضربا عصفورين بحجر شغلنا بناتنا واشترينا الدكاكين وكلن يرجع لمهنته
جد بعض الناس تعود على الي يبيع ملابس الداخليه لزوجته ولا اخته رجل اجنبي لبناني ولا تركي وهو فرحان سبحان الله الدياثة عمت في المجتمع بسم الدين78
الله أكبر على كل ظالم وحسبناالله ونعم الوكيل
يعني مو كفاية باعوا الاقتصاد على الاجانب
والان على استعداد لبيع نسائهم على الاجانب ( المرأة تعمل مع الرجال في محل واحد)يعني الزميل اجنبي والمدير اجنبي .اللي عنده دين ورجولة مايخلي أحد من محارمة يعملون مع الرجال الاجانب وتحت رحمتهم وتحت حماية ورعايةالدولة.
يعني تستغلون فقر الناس وحاجتهم لمترير التغريب والعلمنة وتمييع الدين.
اتعجب والله من سن انظمة متخلفه تدعوا للتبرج والاختلاط .
النساء في الخارج بدوء يتحجبن ويستترن ويتمسكوا بدينهم بكل قوة ونحن في السعودية بلاد الحرمين تسن لنا انظمة لتجردنا من ديننا !!!!!!!!!!!!!
ياوزار ياتعبانه المفتي الله يحفظه قال محرم شرعا وانت تقولين حلال هو اولى بالحلال والحرام اذا عندكم شطاره وفلاحه سوو اماكن مغلقه خاصه للنساء الدوله غنيه تقدر تسوى اكبر مجمعات خاصه للنساء راح يتوظفون كل النساء لكن هالاختلاط حرمة تحاسب للرجال يعني الرجال مايدخلون الملابس النسائيه والله اتحدا
صراحه اللي يوافق لزوجته او بنته اواخته ماهو رجال
صراحه اللي يوافق لزوجته او بنته اواخته ماهو رجال
صراحه اللي يوافق لزوجته او بنته اواخته ماهو رجال
وشكرا ياوزارة العمل ياوزاره تعبانه على الفشل
حسبي الله ونعم الوكيل
استغلو حاجة المرأه لتختلط بالرجال
إذا كان تبغونا نصدق ان همكم مصلحة النساء
نبغى محلات خاصة بالنساء فقط ولايدخلها الرجال.
نريد نظام يسمح للنساء بفتح محل خاص بها المحل ورخصة المحل باسمها
يعني يجب عليها ان تعمل بنفسها في المحل وزجها او ابنها او اخوها يجلب لها البضاعة الخاصة بالمحل في خارج اوقات العمل.وبذلك نكون فتحنا المجال للمراة بالمتاجرة وليس المتاجرة بها وبعرضهالاصحاب المحلات والعمالة الوافدة .
في البداية ملابس داخليه .. بعدها يتطور الامر في المحلات يمكن يبيعوا .... عاد الشاطر يفهمها
انا سعودي وموافق انها تبيع على مثيلاتها المستلزمات النسائية
برافوووووو لوازارة العمل وهذا باب من ابواب الرزق الشريفة
ومن يريد الخناعة يجدها في كل مكان حتى الأمكان المفصولة عن الرجال تجد فيها العار والفضيحة إذا رعبت في ذلك
وعقبال وضع الأسعار على الأقمشة وتوظيف الآف السعوديات كاشير بالمطاعم الراقية
وعقبال فرض ضريبة الطرق وتوظيف السعوديات بالعنابر .
فعلاً شعبنا المحافظ مستهدف
اللهم احفظ شباب وشابات المسلمين واحفظ بلادنا من كل شر
والله مسخره المفتي يفتي بعدم الجواز وهذا مخلفات الحجاج يصدر امر بتطبيق بعمل المراة خلاص بس اول من يشتغل بالمحلات بناتك ياوزير الفشل
والله المسئله بسيطه جدا وهي اجبار المولات بوضع ركن خاص لملابس النساء
ويكون مجمع فيه فروع لكل الماركات ولا يدخله الرجال ولايسمح البيع ملابس النساءخارج هذا الركن..........
يعني مثل مول العثيم يوجد ركن لبيع المواد الغذائيه.......يسوون مثله بظبط
وحارس امن على الباب وانتهينا